Premer-mınıstr Oljas Bektenovtiń tóraǵalyǵymen ótken Úkimet otyrysynda turǵyn úı qurylysyn damytý jáne sıfrlandyrý máselesi qaraldy, dep jazady Egemen.kz.
Jıynda qurylys salasyndaǵy atqarylyp jatqan jumystar týraly Premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev, ónerkásip jáne qurylys mınıstri Ersaıyn Naǵaspaev, «Báıterek» UIH» AQ basqarma tóraǵasynyń birinshi orynbasary Nurbolat Aıdapkelov, sondaı-aq Túrkistan, Qostanaı, Batys Qazaqstan, Mańǵystaý oblystarynyń ákimderi baıandama jasady.
«Memleket basshysy Úkimettiń keńeıtilgen otyrysynda azamattardyń turmys sapasyn jaqsartýǵa yqpal etetin, eń bastysy, elge paıdasy tıetin naqty nátıjege qol jetkizý basty maqsat bolýy tıis ekenin atap ótti. Bul mindetti iske asyrýǵa qurylys sektory tyń serpin beretini anyq. О́tken jyly salada 16% deńgeıinde ósim saqtaldy. 20 mln sharshy metr turǵyn úı paıdalanýǵa berildi. 185 myń otbasy baspana jaǵdaıyn jaqsartty. Bıyl da qurylys qarqynyn saqtaı otyryp, turǵyn úıdi qoljetimdi etý baǵytynda jumysty jalǵastyrý kerek», dedi Oljas Bektenov.
Bıyl elimizde 18,5 mln sharshy metr turǵyn úı salynady
Úkimet azamattar úshin memlekettik qoldaý quraldaryn alýdy ońaılatýǵa múmkindik beretin sharalar keshenin qabyldady. Atap aıtqanda, turǵyn úı saıasatynda negizgi ról atqaratyn «Otbasy bank» ulttyq damý ınstıtýty mártebesine ıe boldy. Tizimderdi sıfrlyq formatqa kóshirý adam faktoryn barynsha azaıtyp, turǵyn úıdi esepke alý men bólý rásimderiniń ashyqtyǵyn arttyrdy.
Sondaı-aq «Naýryz» jáne «Naýryz – jumysker» baǵdarlamalary boıynsha jalpy kólemi 233 mlrd teńgege 8,5 myńnan astam nesıe berildi.
Premer-mınıstr memlekettik organdardyń nazaryn turǵyn úıdi paıdalanýǵa berý josparlaryn oryndaýdy, qalalarda qolaıly, jaıly ortany qalyptastyrýǵa kóńil bólý jáne tıisti ınjenerlik-kommýnıkasııalyq ınfraqurylymdy damytý jumystaryn ozyq qarqynmen júrgizýdi tapsyrdy.
Iri qalalarda, ásirese Astana men Almatyda qurylys jumystarynyń kólemi ósip keledi. Sonymen qatar monoqalalar men aýyldyq jerlerdegi turǵyn úı qurylysyn damytýǵa da kóńil bólý máselesine nazar aýdaryldy.
Osyǵan baılanysty О́nerkásip jáne qurylys mınıstrligi «Báıterek» holdıngine ákimdiktermen birlesip, azamattardy qoljetimdi baspanamen qamtamasyz etý boıynsha óńirlik baǵdarlamalardy júzege asyrýdy jandandyrýy tıis.
Sondaı-aq otyrys barysynda qurylys jumystarynyń sapasyna erekshe nazar aýdaryldy.
2026 jyly turǵyn úı qurylysyna qansha qarjy bólinedi?
«Memleket basshysy halyqqa Joldaýynda qurylys qarqyny qaýipsizdik pen sapaǵa kesirin tıgizbeýi kerek ekenin atap ótti. О́tken jyly qurylystyń sapasyna qatysty resmı túrde 63 myńnan astam shaǵym kelip túsken. Jańa Qurylys kodeksi osyndaı olqylyqtardyń aldyn alýǵa baǵyttalyp otyr. Ol eskirgen normalardan halyqaralyq standarttarǵa, sıfrlyq jáne avtomattandyrylǵan tehnologııalarǵa kóshý arqyly búkil salany júıeli túrde jańartýdy qamtamasyz etedi», dedi Oljas Bektenov.
Qurylys kodeksi aıasynda memlekettik baqylaý kúsheıtildi. Tekserýshi organdarǵa jańa quraldar, onyń ishinde sıfrlyq tehnologııalardyń keń aýqymy usynyldy. Nysandardy qabyldap alý kezinde qurylysty baqylaý organdary men tótenshe jaǵdaılar qyzmetteriniń mindetti túrde qatysý tetigi engizildi. Bul apattar men órt qaýpin azaıtýǵa múmkindik beredi.
Úlestik qurylys salasynda talaptar qatańdatyldy.
Memlekettiń tıisti ruqsaty men kepildigi bolmasa, qurylys kompanııalary úleskerlerdiń qarajatyn tarta almaıdy, al bankter ıpoteka bermeıdi. Qujatta seısmıkalyq qaýipsizdik talaptaryn kúsheıtýge basa nazar aýdarylǵan. Sondaı-aq retsiz jáne zańsyz qurylystardyń aldyn alý, sondaı-aq mektepter men aýrýhanalardyń tapshylyǵy sııaqty jaǵdaılardy boldyrmaý úshin túbegeıli josparlaý jobalaryn túzetýge baqylaý barynsha kúsheıtildi.
Sonymen qatar qurylys salasyn sıfrlandyrý isine erekshe kóńil bólindi. Biryńǵaı qurylys portaly saladaǵy ashyqtyqty arttyryp, ártúrli júıelerdi «bir tereze» qaǵıdaty boıynsha biriktirýge jáne artyq bıýrokratııa men merzimderdi qysqartýǵa múmkindik beredi.
Premer-mınıstr О́nerkásip jáne qurylys, Jasandy ıntellekt mınıstrlikterine bıylǵy shilde aıynyń sońyna deıin jobalardy saraptaý boıynsha jasandy ıntellekt modýlderiniń pılottyq rejımdegi jumysyn qamtamasyz etýdi tapsyrdy.
Sonymen qatar Mańǵystaý, Qyzylorda oblystary, Abaı, Batys Qazaqstan, Soltústik Qazaqstan óńirleriniń ákimdikterine 1 maýsymǵa deıin bas josparlar men egjeı-tegjeıli josparlardy Qala qurylysy kadastryna kóshirýdi jalǵastyryp, salany sıfrlandyrý boıynsha barlyq jospardy jedeldetý tapsyryldy.
Úkimet otyrysynyń qorytyndysy boıynsha Premer-mınıstr birqatar tapsyrma berdi:
Ekinshi deńgeıli bankterdiń kommersııalyq ıpotekasyn jetildirý boıynsha jańa tásilder ázirleýMemlekettik baǵdarlamalarǵa júktemeni azaıtý maqsatynda qoljetimdi kommersııalyq ıpotekany damytyp, kólemin ulǵaıtý qajet.
О́nerkásip jáne qurylys mınıstrligi Ulttyq bankpen jáne basqa da múddeli memlekettik organdarmen birlesip, ekinshi deńgeıdegi bankterdiń kommersııalyq ıpotekasyn jáne turǵyn úımen qamtamasyz etý quraldaryn odan ári jetildirý boıynsha jańa tásilderdi ázirleýi tıis.
Sonymen qatar «Otbasy bank» halyqtyń osal sanattaryn qoldaýǵa basa kóńil bólýi qajet.
Qurylys kodeksi aıasynda normatıvtik aktilerdi ýaqtyly jańartýО́nerkásip jáne qurylys mınıstrligi 1 shildege deıin normatıvtik aktilerdi jańartyp, qabyldaýdy, sondaı-aq olardy iske asyrý kezinde úzdiksiz baqylap otyrýdy qamtamasyz etýi tıis.
Qurylys salasynda 38 jańa jobany ýaqtyly iske qosýQurylys kóleminiń jyl saıyn ósýine baılanysty qurylys materıaldaryna da suranys artyp keledi. Sondyqtan tapshylyq pen baǵanyń ósýine jol bermeý, sondaı-aq otandyq óndiristi qoldaý maqsatynda qajetti qurylys materıaldaryn óndirý jobalary júzege asyrylyp jatyr.
Bıyl elimizde osyndaı 38 jańa jobany iske qosý josparlanǵan. О́nerkásip mınıstrligi «Báıterek» holdıngimen birlesip, olardyń ýaqtyly iske qosylýyn qamtamasyz etýi tıis.
Jalpy baqylaý men úılestirý Premer-mınıstrdiń birinshi orynbasary Roman Sklıarǵa júkteldi.