Astana qalasynyń ákimi Jeńis Qasymbek Konstıtýsııalyq reformaǵa arnalǵan referendýmda daýys berdi. Qala basshysy elordadaǵy Oqýshylar saraıynda ornalasqan saılaý ýchaskeleriniń birinde tańdaýyn jasady, dep habarlaıdy Egemen.kz.
Qala ákimdiginiń málimetinshe, búgin tańǵy saǵat 07:00-de elordada referendým ótkizýge arnalǵan 501 ýchaske jumysyn bastady. Onyń ishinde 395 ashyq ýchaske jáne 106 ýaqytsha ornalasý oryndaryndaǵy ýchaske bar.
Tańerteńnen bastap daýys berý oryndarynda turǵyndardyń belsendiligi baıqalady. Qala turǵyndary referendýmǵa qatysyp, óz tańdaýyn jasap jatyr.
Budan buryn Almaty oblysynyń ákimi de óz tańdaýyn jasaǵan bolatyn.
Aıta keteıik, búgin Qazaqstan boıynsha Jańa Konstıtýsııa jobasyna qatysty respýblıkalyq referendým ótip jatyr. Kámelet jasyna tolǵan árbir azamat óz tańdaýyn jasaýǵa erikti.