Qazirgi sátte jańa Konstıtýsııany qabyldaý jónindegi referendým kúni Almatyda barlyǵy 653 saılaý ýchaskesi jumys istep jatyr, dep jazady Egemen.kz.
Dástúr boıynsha Almatyda alǵashqy daýys berýshilerge tátti syılyqtar úlestirildi. Alǵashqy daýys berýshilerge sımvolıkalyq tátti syılyq taratý jaqsy dástúrge aınalǵan. Osyndaı syılyqty Almaly aýdanyndaǵy №60 referendým ýchaskesine alǵashqylardyń biri bolyp kelgen Tatıana Vıldanova da aldy.
«Biz qurbymmen birge ýchaskege eń birinshi bolyp keldik. Azamattyq boryshymyzdy oryndaǵymyz keldi. Tańerteńnen beri erekshe qýanysh sezimin sezinýdemin. Qazaqstannyń bolashaǵy óz qolymyzda. Estelik úshin sýretke túsip úlgerdik – biz úshin bul naǵyz mereke», dedi ol.
Almaty oblysynda daýys berý aqsaqaldyń batasymen bastaldy
Osyndaı syılyqtar №117 jalpy bilim beretin mektepte ornalasqan №197 jáne №202 saılaý ýchaskelerinde alǵash daýys bergen turǵyndarǵa da tabystaldy. Aıta keteıik, munda alǵashqy jarty saǵattyń ózinde 20-dan astam adam daýys berip úlgergen.
«Referendýmǵa qatysý – meniń azamattyq boryshym. Men óz daýysymdy berdim. Memleket qazaqstandyqtarǵa mańyzdy sheshimdi ózderi qabyldaý múmkindigin berdi», dedi saılaýshy Aıda Musahanova.
Almaty oblysynda daýys berýshiler tizimi mıllıonnan asady
ALMATY