Qabyldanǵan sharalar nátıjesin berýde

Mal azyǵyn daıyndaýdyń bas­tapqy kezeńinde oblysta qolda bar maldy qystan shyǵynsyz alyp shy­­ǵý úshin jetkilikti jem-shóp daı­­yn­dap alýda kúrdeli jaǵdaı týyndaýy múmkin degen abyrjýshylyq bol­ǵany ras. Oǵan sebep kóktemnen bas­tap shildeniń ortasynan aýǵansha óńirde bir tamshy jańbyrdyń bol­maýy saldarynan shabyndyqtar­daǵy shóptiń shyǵymynyń nashar­lyǵy edi. Alaıda, qashanda bir isi ilgeri júretin oblys ákimi Eleýsin Saǵyndyqov mundaı qıyndyq­tar­dy jeńýdiń joba-josparyn kúnil­geri jasap, aýdan ákimderine mal azyǵyn daıyndaýǵa baılanysty talapty kúsheıtti. Jem-shóp daı­yndaýshylarǵa túrli jeńildikterdi qarastyrdy. Mysaly, mal azyǵyn daıyndaýshylarǵa beriletin janar-jaǵarmaıdy 50 paıyz arzandatýǵa 150,0 mln. al turǵyndarǵa jem-shóp daıyndaýshylardy qoldaýǵa 173,0 mln. teńge bóldi. Al, mal azyǵyn daıyndaýdyń ekpindi eki aıly­ǵy­nyń jeńimpazdaryn marapattaýǵa 5,0 mln. teńge qarastyrdy. Jem-shóp daıyndaýdyń barysyna talap pen baqylaý kúsheıtildi. Aýdan ákimderinen osy sharýa­nyń qalaı atqarylyp jatqany qatań suraldy. Oblys basshysy­nyń der kezinde alǵan sharalary nátıjesin berdi. Ústimizdegi jylǵy tamyzdyń ekinshi juldyzyna 808,0 myń tonna mal azyǵy daıyndaldy. Munyń ózi qysqa qajetti mal azy­ǵynyń 70 paıyzyn quraıdy. Bul tý­raly oblystyq aýyl sharýashy­l­y­ǵy basqarmasynyń bastyǵy Er­saıyn Ájibaev buqaralyq aq­parat quraldary ókilderimen ótkiz­gen baspasóz máslıhatynda málimdedi. Onyń aıtýynsha, oblys ákimi­niń óńirdiń barlyq turǵyndaryna úndeýinen keıin halyqta, ásirese, mal azyǵyn daıyndaýshylar ara­synda eleýli serpilis bolyp, jem-shópti óz kúshterimen daıyndap alýǵa senim­­­dilik kúsheıgen. Oǵan dálel, oblys boıynsha daıynda­la­tyn mal azy­ǵynyń kólemin álde de kóbeıt­keli otyrǵan kórinedi. Iаǵnı, buǵan deıin oblysta 1059 mln. ton­na jem-shóp daıyndaý mejelense, endi ony 1200 tonnaǵa jetkizý kózdelýde. Oblys ákimi mal azyǵyn daı­yndaýshylardyń qımylyn shırata túsý maqsatynda 1 qyrkúıekke deı­in belgilengen mejeden kóringen aýdandardy yntalandyrýǵa taǵy da 5,0 mln. teńge qarjy bólip otyr. Sondaı-aq, jem máselesi de oń sheshiletin bolypty. Barlyǵy 70 myń tonna jem qajet bolsa, sonyń 57 myń tonnasyn daıyndaýǵa Úki­met járdem bermekshi. Oblys bas­shy­sy Eleýsin Saǵyndyqov bul má­sele jaıynda Aqmola, Qostanaı, Sol­tústik Qazaqstan oblysta­ry­nyń ákimderimen kelissóz júrgizýde. Aýyl sharýashylyǵy qurylym­d­arynyń qaryzdaryn keıinge qal­dyrý da qarastyrylýda.Úkimetten sıyrlardy saqtaýǵa 325 mln. teńge sýbsıdııa bólinedi dep kútilýde. Bul sýbsıdııany alǵandar da sıyrlar sanyn kemitpeý úshin oǵan jem-shóp satyp alatyny sózsiz. Bir sózben aıtqanda, qystan qy­­sylmaı shyǵýdyń barlyq múm­kin­­dikteri bar. Bastapqyda mal azy­ǵyn basqa óńirlerden daıyndaý jo­ly da qarastyrylǵan eken. Qazir ondaı qajettilik joq. Sebebi, Oıyl aý­danynyń ózinde ǵana 10 myń ton­­na daıyndalǵan pishen alýshysyn kú­týde kórinedi. Mundaǵy mal azy­ǵy anaǵurlym arzan da. Osyndaı múmkindikter birqatar aýdandarda da bar. Aınaldyrǵan bir aıdyń ishinde qajetti mal azyǵynyń 70 paıy­zyn daıyndap alǵan aqtó­be­lik­ter naý­qandyq jumysty qazan aı­ynda da júrgizýge bolatynyn eskerip, úde­den shyǵatyndaryna senimdi. Satybaldy SÁÝIRBAI. Aqtóbe oblysy.