Birlestik turǵyndar múddesin qorǵaıdy

Qazirgi tańda elimizde keıbir adamdar úshin ózekti problemaǵa aınalǵan máselelerdiń qatarynda turǵyn úı salasyndaǵy úleskerler jaıy tur. Bul problema, ásirese, Astana men Almaty qalalarynda kóp­tep kórinis berip otyr. Úki­mettiń qoldaýy arqasynda úlesker­ler máselesiniń túıinderi aıtar­lyqtaı sheshim tabýda. Degenmen, osy iske úkimettik emes uıymdar da óz úlesterin qospaq. Solardyń biri keshe elordada tusaýy kesilgen úleskerlerge zań­dyq turǵydan kómek qolyn so­za­tyn “Turǵyn úı quqyǵy” qoǵamdyq birlestigi bolyp otyr. – “Turǵyn úı quqyǵy” qoǵam­dyq birlestigi astanalyq úlesker­lerdiń sala boıynsha týyndaǵan túrli suraqtaryna jaýap berýge ázir. Bizdiń negizgi maqsatymyz bir nemese odan da kóp páterge úlesker bolǵan barlyq azamattarǵa zańdyq turǵydan qoldaý kórsetý. Búgin al­ǵashqy ótinish berýshilerdi qabyl­dap ta úlgerdik. Turǵyndardyń problemalarynyń ishindegi eń názigi bolyp sanalatyn turǵyn úıge baılanysty zańdyq kómegimizdi biz qashanda aıamaımyz. Qoǵamdyq birlestiktegi bilikti zańgerler ámanda halyq úshin keńes berýge ázir, – deıdi atalǵan birlestiktiń jetekshisi Ǵalııa Bólegenova. Astanadaǵy Jastar shaǵyn aý­dany mańaıynda Sh.Ýálıhanov kó­shesi boıynda ornalasqan “Turǵyn úı quqyǵy” qoǵamdyq birlestiginiń elorda jurtshylyǵyna berer zań­dyq keńesi tegin. Olar turǵyn úı máse­le­sindegi problemalardy bilýge qu­mart­qan kez kelgen janǵa jol kórsetpek. Ábdirahman QYDYRBEK. ASTANA.