Memleket basshysy Nursultan Nazarbaev Japonııanyń Syrtqy ister mınıstri Kasýıa Okadany qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý barysynda eki el arsyndaǵy yntymaqtastyqty damytý máseleleri talqylandy.
Nursultan Nazarbaev Qazaqstan men Japonııany ıadrolyq taqyryp jaqyndastyra túsetinin atap ótti. Qazaqstanda uzaq jyldar boıy elge jáne onyń halqyna úlken zalal tıgizgen Semeı ıadrolyq synaq polıgony áreket etken bolatyn.
– Ekologııalyq máselelerdi sheshý barysynda biz árqashan sizdiń eldiń qoldaýyn sezinip otyrdyq. 29 tamyzdy Búkilálemdik ıadrolyq qarýdan bas tartý kúni dep jarııalaý týraly bizdiń bastamamyzdy qoldaǵandaryńyz úshin sizderge rızamyz, – dedi Qazaqstan Prezıdenti.
Japon syrtqy saıasat vedomstvosynyń basshysy Japonııa Qazaqstandy Ortalyq Azııadaǵy geosaıası áriptesi sanaıtynyn jáne onyń ıadrolyq qarýsyzdaný men qaýipsizdikti nyǵaıtý baǵytyndaǵy memlekettik saıasatyn joǵary baǵalaıtynyn atap ótti.
Biz qazaqstandyq-japondyq qarym-qatynasty jańa sapalyq deńgeıge kóterýimiz kerek. Qazaqstan energetıkalyq resýrstarǵa baı, al Japonııa damyǵan tehnologııalarǵa ıe. Osy eki faktordy biriktirý jolymen biz elderimiz úshin ekijaqty tıimdi qarym-qatynastyń jańa deńgeıine qol jetkize alamyz, – dedi K.Okada jýrnalısterge arnalǵan brıfıngte.