Jaýapkershilik aıasy keńeıe túspek

Keshe “Nur Otan” HDP Ortalyq apparatynda “EQYU-nyń daǵd­arys­tan keıingi jumysyn jetildirý ba­symdyqtary” taqyrybynda semınar ótti. Semınarǵa Qazaqstandaǵy EQYU ortalyǵynyń basshylary, Prezıdent Ákimshiligi men Qazaqstan SIM-niń EQYU máselelerimen aınalysatyn ókilderi, ulttyq jáne halyqaralyq sarapshylar men saıasatkerler qatysty. Basqosý kezinde “Nur Otan” HDP Tóraǵasynyń birinshi oryn­ba­sary Nurlan Nyǵmatýlın “Elimizdi osyndaı joǵary deńgeıge kótergen Prezıdentimizdiń bastamalaryn qoldaý maqsatynda “Nur Otan” partııasy da aýqymdy jumystar atqaryp keledi. Biz aldaǵy ýaqytta Elbasymyzdyń tapsyrmasyna, elimizdiń Eýropadaǵy qaýipsizdik jáne yntymaqtastyq uıymyna tóraǵalyq etýine, Astanada ótetin Sammıtke baılanysty daıyndyq jumystaryn abyroımen jalǵas­tyra­myz degen oıdamyn”, dedi óz sózinde. Bul rette ol tóraǵalyq ke­zinde saıası salada týyndaıtyn ár­túrli keleńsizdikterdi beıbit jol­men sheshý, ekonomıka men ǵylym salalaryndaǵy áriptestiktiń basym baǵyttaryn aıqyndaý, qorshaǵan ortany qorǵaý salasyndaǵy ózekti túıtkilderdi bir júıege keltirý se­kil­di máselelerdiń mańyzdy bola­ty­nyn atap ótti. N.Nyǵmatýlın sondaı-aq, bı­yl­ǵy jyldyń 1-2 jeltoqsany kún­deri Astanada EQYU Sammıtiniń ótýi – álemdik qaýymdastyq al­dyn­daǵy Elbasynyń halyqaralyq bedeli men bastamalarynyń moı­yn­dalýy ekenin atap ótti. “EQYU-nyń Sammıti sońǵy 10 jyl ishinde ótpegenin bilesizder. Al Qazaqstan sońǵy 10 jyl ishinde TMD jáne Azııa elderiniń ishinde, sondaı-aq, osy uıymnyń tarıhynda eń alǵash­qy bolyp osyndaı aýqymdy sam­mıt­tiń bastamashysy bolyp otyr. Bul sózsiz, bizge úlken jaýapkershi­lik júkteıdi. Sonymen qatar,  Sam­mıttiń ótýine tikeleı múddeli­lik tanytatyn memlekettik organ­dar men úkimettik emes uıymdarǵa  da aýqymdy mindetter júkteıtini anyq. Qazaqstan osy uıymǵa tór­aǵa­lyq etý kezinde eýropalyq qaýipsizdik keńistigindegi túıtkildi máselelerdiń túıinin sheshýge kúsh salatyn bolady. Sol arqyly EQYU-nyń Eýropa men Azııa aralyǵyn qamtıtyn máselelerdi tarqatýda óziniń jaýapkershilik aıasynan keńeıtpek”, – dedi partııa Tóraǵasynyń birinshi orynbasary. Otyrys barysynda EQYU-nyń Astanadaǵy ortalyǵy basshy­sy­nyń orynbasary Jannet Kletser  dúnıe júziniń bedeldi uıymynyń negizgi baǵyttary men bolashaq jumystary, sondaı-aq, ta­rıhy jóninde jan-jaqty toqta­lyp, Qazaqstannyń EQYU-ǵa tór­aǵalyǵy álemdegi qaýipsizdik sa­lasyndaǵy túrli máselelerin oń­taılandyrýǵa sep bolatyndyǵyna senim bildirdi. Basqosý kezinde partııa ókili EQYU-nyń qyzmeti negizinen 3 ólshemge negizdelgenimen, kóp jyl­dar boıy uıym qyzmeti tek bir ól­shemge súıenip kelgenine toqtaldy. “О́kinishke oraı, keıbir jyldary bedeldi uıym bir baǵyt boıynsha, ıaǵnı, saıası túıinderdi sheshý baǵy­tynda ǵana jumys atqaryp kel­gen edi. Biraq ta biz buǵan tú­si­nistikpen qaraımyz. Sebebi, uıym­nyń, on­daǵy jumys at­qaratyn sarapshy ma­mandardyń tájirıbesi mol. Bul tájirıbe kóp jaǵdaıda kóptegen elderdegi de­mo­kratııalyq refor­ma­lardy ret­teýge sep bolǵany anyq. Bul rette Qazaqstannyń tóraǵa­lyǵy kezinde elimizdiń kótergen kóp­tegen bastamalary, óńirlik, qaýip­­sizdik máselelerdi sheshýdegi qadamdary qoldaý taýyp keledi. Máselen, qazirgi jahandaný za­manyna tán qıyndyqtardy sheshý úshin Qazaqstan uıymdy jańartý, ja­ńalaý bastamasyn usyndy”, – dedi Nurlan Nyǵmatýlın bul týrasynda. Semınarǵa qatysýshylar Qa­zaq­stannyń EQYU-ǵa tóraǵalyǵy atalǵan uıymnyń nazaryn Eýr­azııa qaýipsizdigindegi ózekti máselelerge aýdarýǵa, sol arqyly EQYU-nyń jaýapkershilik aıasyn Eýropadan Eýrazııaǵa deıin keńeıtýge múm­kindik beredi degen oılaryn jetkizdi. Láıla EDILQYZY.