«Astana-Arena» jabyq stadıony

Qabanbaı batyr dańǵyly, 45-úı Aldaǵy jyly Astana men Almaty qalalaryn bir apta boıy dúbirge bóleıtin VII Qysqy Azııa oıyndary óter kún de jaqyndap keledi. Búgingi kúndi eseptegende elimizde tuńǵysh ret jalaýy kóteriletin osy oıyndardyń bastalýyna 169 táýlik qalypty. Al onyń ashylý saltanaty Astana qalasyndaǵy qazirgi kezde Eýropanyń 5 joǵary deńgeıdegi, barlyq halyqaralyq talaptarǵa saı keletin “Astana-Arena” stadıonynda ótetini belgili. Osyǵan oraı jaqynda biz atalmysh alyp keshenniń dırektory, Azıadanyń ashylý saltanatyn ótkizý jónindegi tehnıkalyq dırektor bolyp taǵaıyndalǵan Vladımır BOBROVSKIIMEN kezdesip, odan stadıonnyń oıyndardyń ashylý rásimine qazirgi daıyndyǵy jóninde áńgimelep berýin ótingen edik. – “Astana-Arena” stadıonynyń paıdalanýǵa berilgenine biraz ýaqyt ótti ǵoı. Osy ýaqyt ishinde munda fýtboldan respýblıkaishilik, halyq­aralyq matchtar ótkizilip keledi. Al kelesi jyly stadıonda ótetin Qysqy Azııa oıyndarynyń ashylý saltanaty osy jarystardan máni men mańyzy jaǵynan múldem bólek oqıǵa bolatyny sózsiz. Qazir sta­dıon Azıadanyń ashylý saltanatyna tolyq daıyn ba? Áńgimeni osydan bastasaq. – Daıyn dep tolyq aıta ala­myn. О́zderińizge belgili, osy jerde Azıadanyń ashylý rásimi ótedi. Bul stadıon bekerden tańdalyp alyn­ǵan joq. Bizdiń stadıon Eýro­pa­nyń eń ádemi degen, barlyq halyq­aralyq talaptarǵa jaýap beretin, tehnıka­nyń qaı jaǵynan alsańyz da toly­ǵymen jaraqtalǵan 5 sta­dı­on­nyń biri bolyp tabylady. Sta­dıonnyń fýtbol alańy ıtalııalyq tósegishpen tóselgen, al onyń ın­fra­qurylymy jaǵynan munda kerekti nárseniń bári bar. Máselen, sta­dı­onda sahna qoı­yp, konsert ótkizýge bolady. Bas­seın, eki tablo, tele­dı­dar jáne radıo habarlaryn taratý úshin qazirgi zaman talaptaryna jaýap beretin júıeler, jaryq be­retin sońǵy úl­gidegi projektor, de­ma­lys oryndary, boks rıngteri, fıt­nes klýb, kúres zaly jáne bas­qa da qajetti oryn­darmen jab­dyq­talǵan. Al stadıon­nyń eń basty ereksheligi – onyń ústine 17-20 mı­nót ashyp-jaby­la­tyn arnaıy qu­ryl­ǵy orna­tyl­ǵan. Álemde mun­daı qurylǵylar biz­diń sta­dı­onmen qosa eseptegende sa­naý­ly elderde ǵana bar. – Oıyndardyń ashylý saltana­ty qalaı ótedi? – Azıadanyń ashylý saltana­tyna reseılik Igor Krýtoıdyń je­tekshiligindegi halyqaralyq re­jıs­serlik-qoıylym toby jaýap be­retin bolady. О́ıtkeni, bizdiń eli­mizde osy kezge deıin Azııa oıyn­da­ry sııaqty iri halyqaralyq ja­rys­tar ótken emes. 90-shy jyldary ǵana Almatyda Ortalyq Azııa oıyndary ótken edi. – Iá, sol kezde ótken atalmysh jarystyń ashylý saltanatyna HOK prezıdenti Hýan Antonıo Samaranch joǵary baǵa bergen edi. – Onyńyz ras. Al myna oıyn­dardyń ashylý saltanaty odan da qyzyqty jáne tartysty bolaty­nyna tolyq senimdimin. Qazir álem­de osyndaı iri mádenı sha­ra­lardy ótkizý jónindegi halyq­ara­lyq rejısserlik-qoıylym toptary jetkilikti. Onyń ishinde reseılik, ulybrıtanııalyq, avstralııalyq toptar bar. Ashylý saltanatynyń ózi Qazaqstan tarıhymen baıla­nys­tyrylyp, ulttyq naqyshqa kel­tirilip tehnologııalyq shoý re­tinde ótkiziletin bolady. Qazir sta­dıonda osynaý oqıǵaǵa daıyndyq jumystary qyzý júrgizilip jatyr. Jaqynda bir top máskeýlik ma­mandar kelip, ashylý saltanatynyń uıymdastyrylýymen, stadıonnyń dekorasııasymen tanysyp qaıtty. Azıada alaýy stadıonǵa 30 qańtar kúni jetedi. Alaý 11 qańtarda Azııa olımpııalyq keńesiniń shtab-páteri ornalasqan ál-Kýveıt qalasynan bastaý alady. Al kelesi kúni ol Qazaqstanǵa jetkizilip, 20 kún boıy oblys ortalyqtaryn aralap, 30 qańtar kúni Astanaǵa keledi. – Stadıonnyń tehnıkalyq qaýipsizdik jaǵy qalaı? – Ol jaǵy jaqsy. Stadıonǵa 30200 adamnyń syıatynyn bile­siz­der. Eger tosyn oqıǵa bola qalsa, ha­lyq 10-15 mınóttiń ishinde sta­dı­on­nan shyǵa alady. Osy kezge deı­in biz stadıonda bolýy múmkin órt jáne basqa da tosyn oqı­ǵalardyń aldyn alý úshin úsh ret oqý-jattyǵý ótkizdik. Oǵan aýdan­dyq, qalalyq, respýblıkalyq órt sóndirýshiler qatysty. – Qystyń kúni stadıonnyń jylytylýy qalaı bolady? – Bizdiń stadıonda avtonomdy jylytý júıesi ornatylǵan. Ol bel­­gili bir temperatýrany ustap tu­rady. Oıyndardyń ashylý salta­na­tynda stadıonnyń temperatýrasy 10-12 gradýs jylylyqty kórse­te­tin bo­lady. Sondyqtan eshteńege ýaı­ym­damańyzdar, oıyndardyń ashy­lýy joǵary deńgeıde ótip, halyq sý­yq­tan tońbaıdy. Qazir stadıon Qor­ǵanys mınıstrliginiń balansynda. – Stadıonnyń qurylysyna qatysty ózińiz áli de bolsa ne jetpeıdi dep oılaısyz? – Stadıonnyń janynda ve­lotrek pen konkı tebý stadıo­ny­nyń qurylysy júrip jatyr. Osy úsh nysanǵa bir ortaq qonaq úı ke­rek sııaqty. Áıtpese bizdiń sport­shylar jaz shyǵa sport alańda­rynyń janynda qonaq úılerdiń bolmaýynan Túrkııa men basqa da elderdi jaǵalap ketedi. Osyndaı tilegim bar. Al Azıadanyń ashylý saltanaty kezinde stadıonnyń ja­nyna muz aıdynynyń salynaty­nyn atap ótkim keledi. Áńgimelesken Dastan KENJALIN.