Túrmedegi tótenshe jaǵdaı

Qylmystyq atqarý júıesi ko­mıtetiniń Aqmola oblysy boıynsha departamenti 12 tamyz kúni jýr­na­lısterdi arnaıy baspasóz más­lı­hatyna shaqyrdy. Oǵan departa­ment bastyǵynyń mindetin atqa­rýshy, ádilet podpolkovnıgi Janat Keshýbaev, Aqmola oblysynyń pro­kýrory Bolat Abdýlov, “Nur Otan” HDP oblystyq fılıaly tó­raǵasynyń orynbasary Dýlat Ju­rymbaev, jabyq mekemelerdiń ju­mysyn baqylaý jónindegi qoǵam­dyq komıssııanyń tóraıymy Lıý­bov Rýbejanskaıa qatysyp, Gra­nıt­nyı poselkesindegi ES-166/25 kolonııasyndaǵy úsh kúnge so­zylǵan búlikke qatysty túsinik berdi. 2010 jylǵy 9 tamyzdyń ke­shin­de jalpy rejimdegi kolonııadaǵy jazasyn óteýshiler arasynda tó­beles shyǵyp, tórt adam aýyr ja­raqat alǵan. Onyń arty júzdegen adam qatysqan jappaı búlikke ulasyp, kolonııa ákimshiligi men qyzmetkerlerine qysym kórsetý arqyly zańsyz talaptar qoıyldy. Jaǵdaı kelesi kúni de ýshyǵyp, tó­ten­she jaǵdaı jarııalandy. Depar­ta­ment basshylyǵy, prokýratýra, qoǵamdyq uıymdar tarapynan qurylǵan arnaıy shtab júrgizgen túsinik jumystary nátıjesinde 50 adam zańsyz áreketterden bas tart­qa­nymen, jaǵdaı kúrdelilene tús­ken. Aqyrynda, 11 tamyz kúngi 22.00 saǵatta IIM kúshterimen ar­naıy operasııa júrgizýge sheshim qa­byldandy. Sóıtip, búlik aýyz­dyq­talyp, jaǵdaı qalypty sıpat aldy. Baspasóz máslıhatyn ótkizýshi­ler­diń málimdeýinshe, búlik sal­da­rynan jazasyn óteýshi 81 adam ártúrli dárejedegi jaraqat alyp, onyń 70-i Kókshetaýdyń 4 aýrý­hanasyna jatqyzylǵan. О́zin-ózi órtegen eki adamnyń bireýi qaı­tys bolypty. Áskerıler qa­ta­rynan da úsh kisi jaraqattanǵan. Oblystyq ishki ister departa­men­ti osy oqıǵaǵa qatysty Qyl­mys­tyq kodekstiń 360 jáne 361-bap­tarymen qylmystyq ister qoz­ǵap, zertteý-tergeý jumystary júrgizilýde. Baqbergen AMALBEK. Aqmola oblysy.

* * *

Adam satqan kúdikti qolǵa tústi

Aqtóbe oblysynyń IID uıymdasqan qylmysqa qarsy kúres basqarmasynyń qyzmetkerleri 37 jastaǵy azamatty quryqtady. Kúdikti adam saýdasymen aınalysqan. Maýsym aıynyń basynda IID Uıymdasqan qyl­mysqa qarsy kúres basqarmasyna jedel málimet túsipti. Aqtóbe qalasynyń ma­ńyn­daǵy saıajaıda adam saýdasymen aınalysatyn Murat esimdi azmat bar ekenin polıseılerge 31 jas­taǵy jigit habarlaǵan kórinedi. Aqtóbe oblysynyń IID basshylyǵy osy aqparatty tekserip, anyq-qanyǵyna kóz jetkizgen soń, kúdiktini qolǵa túsirý úshin arnaıy jos­par qurǵan. Keshendi jedel izdestirý sharasy barysynda 37 jastaǵy kúdikti 44 jastaǵy adamdy satý sátinde qolǵa tústi. 44 jastaǵy azamattyń qunyn 48 myń teńgege baǵalapty. Bul shuǵyl shara prokýratýra jáne basqa da quzyrly organdarmen birge júzege asyp otyr. 44 jastaǵy satylǵan azamattyń turǵylyqty meken-jaıy bolmaǵan. Jábirlenýshiniń aıtýynsha saıajaıda úsh táýlik boıy qamaýda otyrǵan eken. О́z “qojaıynynyń” birneshe márte uryp-soqqanyn jasyrmaıdy. Kúdikti buryn qaraqshylyq jasaǵany úshin sottalǵan. Qazir 37 jastaǵy azamattyń ústinen Qylmystyq kodekstiń 128-shi baby boıynsha is qozǵaldy. Mádı QÝANYShULY. Aqtóbe.