Jolyń bolsyn, jas jýrnalıst!

15-19 tamyz aralyǵynda Astanada III respýblıkalyq “Qalamger-Azamat” jas tilshiler forýmy ótpekshi Atalmysh forýmnyń bas qol­daý­shylary qatarynda “Nur Otan” partııasy “Jas Otan” jastar qa­naty, Baılanys jáne aqparat, Má­denıet mınıstrlikteri, Qazaqstan Jastar kongresi, Memlekettik tildi damytý Prezıdenttik qory jáne bas­qalar atalýda. Negizgi uıym­das­ty­rýshylyq tizgindi óz qolyna al­ǵan “Zańǵar” shyǵarmashylyq bir­les­tiginiń tóraǵasy Aıdar Qyryq­baıuly Almatynyń Oqýshylar sa­raıynda bergen baspasóz más­lı­hatynda alqaly jıynnyń táýelsiz urpaqtyń 20 jyldyǵyna arnalyp otyrǵandyǵyn atap kórsetti. Forýmnyń basty maqsaty – da­ryndy jas jýrnalısterdiń ba­syn qosyp, ártúrli semınar-tre­nıng­ter men sheberlik synyptaryn ótkizý, olardy eljandylyq pen otansúıgishtikke shaqyrý, kásibı sheberlikterin shyńdaýǵa múmkindik týǵyzý, zamanaýı zańdylyqtardy meńgerýge talpyndyrý. Alǵash ret osyndaı forým Alma­tyda 2008 jyly bastalyp, odan soń Astananyń 10 jyldyǵyna arnalyp elordada jalǵasyn tapqan bolatyn. 2009 jyly forým “Jas patrıottar” ataýyn enshilese, bı­yl­ǵy forýmǵa 18-23 jas araly­ǵyn­daǵy jýrnalıster qatyspaqshy. Onda talqyǵa túsetin taqyryptar da óte kókeıtesti dep aıta alamyz. Shynynda da, telebaǵdarlamalar men jańalyqtar sıýjetteriniń búgingi sapasy qaı deńgeıde eken­digi, qazaq baspasóziniń damýy, qa­zaq tilindegi ınternet resýrs­tarynyń damýy kim-kimdi de tol­ǵandyratyn jaılar. Osy rette jas jýrnalısterdiń jýrnalıstıka salasynyń maıtalmandarynan she­berlik dáristerin alýy da oı­lastyrylypty. Bilim mınıstri Janseıit Túımebaev, Parlament depýtaty Aldan Smaıyl, jazýshy Ákim Tarazı jáne basqa forýmnyń qurmetti qonaqtary bolady dep kútilýde. Bálkim, osy qurmetti qonaqtardyń ishinen ásirese qazaq jýrnalıstıkasy fakýltetterine túsýge memlekettik granttardyń ne­likten az bólinip júrgenine naqty jaýap berýshiler de tabylmaı qalmas. Forýmǵa qatysýshylar Qazaq­stan jastaryna úndeý joldaıdy dep uıǵarylýda. Sonymen birge rámizdi syıkáde túrinde Elbasyǵa syılyq ázirlenýde. Jıyndy uıymdastyrý­shylar 2011 jyldyń Jastar jyly bolyp jarııalanýy jas jýrna­lıs­terdiń de kóptegen áleýmettik máselelerin sheshýine úlken kómek bolar edi dep úmittenedi. Sondaı-aq aldaǵy qyrkúıekte el­ordada qazaq basylymdarynyń qu­ryltaıy bolatyndyǵy jaıynda­ǵy qulaqqaǵysty da osy baspasóz más­lıhatynda estip, serpilip qaldyq. Qorǵanbek AMANJOL. ---------------------------------- Sýretti túsirgen Bersinbek SÁRSENOV.