Yntymaqtastyq deńgeıine rızashylyq bildirildi

Keshe Senat Tóraǵasy Qasym-Jomart Toqaev Saýd Arabııasy Koroldiginiń Qazaqstandaǵy Tótenshe jáne ókiletti elshisi Hısham Abdel Ýahhab Zaraany onyń bizdiń elimizdegi qyzmetiniń aıaqtalýyna baılanysty qabyldady, dep habarlady Senattyń baspasóz qyzmeti. Qasıetti Oraza aıynyń bas­ta­lýy­men quttyqtaı otyryp, júz­de­sýshiler eki el arasyndaǵy ekono­mıkalyq jáne mádenı salalar­daǵy, sondaı-aq kóp salaly yn­tymaq­tas­tyqtyń joǵary deńgeıin jáne onyń tabysty damyp kele jat­qa­nyn qanaǵattanǵandyqpen atap ótti. – Qazaqstan Saýd Arabııasy Koroldigimen dostyq qatynasty jáne kóp salaly baılanystardy tereńdetýge erekshe nazar aýdaryp keledi. Búgin Er-Rııad Astananyń halyqaralyq arena men Taıaý Shy­ǵystaǵy mańyzdy áriptesi bolyp tabylady, – dedi Q.Toqaev. Hısham Abdel Ýahhab Zaraa Qazaqstannyń ekonomıkalyq jáne syrtqy saıası jetistikteri men halyqaralyq arenadaǵy artyp kele jatqan rólin joǵary baǵa­lady jáne bizdiń elimizdiń 2011 jyly Islam Konferensııasy Uıymyna tóraǵalyq etýi tabysty ótetinine senim bildirdi. Elshi Saýd Arabııasy ash-Shýra Májilisi (Konsýl­ta­tıvtik Keńes) Tóraǵa­synyń Er-Rııadqa resmı saparmen kelýge shaqyrýyn Q.Toqaevqa tabys etti. Kezdesý sońynda Q.Toqaev Qazaqstan men Saýd Arabııasy arasyndaǵy ekijaqty qarym-qatynastardy damytýǵa qosqan jeke úlesi úshin dıplomatııalyq mıssııa basshysyna alǵys aıtty jáne kásibı qyzmetinde ta­bysty bola berýge tilektestigin bildirdi.