Álem ótken aptada

KHDR-dyń shekara aıma­ǵyn­da artıllerııadan oq atqanyna baı­lanysty Ońtústik Koreıanyń prezıdenti Lı M¿n Bak  áskerı arandatýshylyqtan bas tartyp, eki memlekettiń de órkendeýi úshin ekonomıkalyq baılanysty qaıta jalǵastyrýǵa, ulttyq bi­ri­gýge shaqyrǵan málimdeme jasa­dy. KHDR budan keıin Seýldiń AQSh-pen birigip ótkizgen jattyǵýy úshin áli ıadrolyq jaza tartasyńdar dep qorqytty.

Sertten taıǵan kim?

Kremldegiler Belorýssııa pre­zıdenti Aleksandr Lýka­shen­ko­nyń Abhazııa men Ońtústik Ose­tııany taný jóninde ýádesi bol­ǵa­nyn aıǵaqtaıtyn steno­gra­fııany tapqandaryn jáne ony jarııa­laı­tyn nıetteri barlyǵyn aıtqanda, Belarýs basshysy tym qatty ketti. Reseı prezıdenti Dmı­­trıı Medvedevke uıatty umyt­pańdar, sózdi burmalamańdar, dedi. Mundaı yryń-jyryń aıtys, usaq­tyq eki jaqqa da jaraspaıdy-aq.

Qubyrdy jardy

Irak munaıyn Túrkııaǵa jet­ki­zetin Kırkýk-Jeıhan quby­ryn­da jarylys bolyp, ol biraz ýa­qytqa isten shyqty. Túrik úki­meti bul áreketti Kýrdstan ju­mysshy partııasynan kórip otyr. Qalaı bolǵanda da, onyń saıası astary bary anyq. Bul qubyr ar­qyly, sondaı-aq Baký-Jeıhan qu­byry arqyly da Batys elde­rine munaı jetkiziledi. Túrkııa­nyń munaı tasymaldaýshy retin­degi bedeline aıtarlyqtaı nuqsan keletini óz aldyna, endi bul eldegi kýrd máselesi burynǵydan da shıelenise túsý qaýpi bar.

Ádepti bilmeıtinder

Irannyń vıse-prezıdenti Mýhammed-Reza Rahımıdiń aǵyl­shyn­dardy “mafııa basqaratyn na­qurystar tobyry” dep ataǵa­nyn Brıtanııa syrtqy ister mı­nıstrligi qatty aıyptap, bul brı­tandyq­tardy qorlaǵandyq dep málimdedi. Ádepten, ásirese, dıplomatııalyq ádepten ozbaý ór­kenıetti elderge tán. Iran bas­shylyǵy muny bilýge tıis qoı deısiń.

Krest úshin daý

Varshavadaǵy prezıdent sa­raıy­nyń aldynda myńdaǵan adam qatysqan mıtıng boldy. Olar sol saraı aldyndaǵy alań­daǵy prezıdent Leh Kachın­skııdiń qurmetine qoıylǵan aǵash kresti alyp tastaýdy talap etýde. Olar memleket zaıyrly, krestiń orny shirkeý deıdi. Buǵan qar­sylar da alańǵa shyǵyp, krest­ke tııýshilikti kúpirlik sanaıtyndaryn málimdedi. Qar­sylastardy ajyratýǵa polısııa aralasýǵa májbúr bolǵan. Ushaq apatynan qaıǵyly qazaǵa ushy­ra­ǵan Leh Kachınskııdi Krakov­taǵy ulylar qorymyna jerle­gendi de biraz jurt artyq kórgen.

Kezekti sandyraq

Reseı Federasııasy Memle­kettik dýmasynyń vıse-spıkeri Vladımır Jırınovskıı aqylǵa syıa qoımaıtyn kezekti málim­de­mesin jasady. Reseı Belorýs­sııaǵa, basqalarǵa da kómek ber­meý­ge tıis dep baıbalam salǵan ol, qyza kele, Keden odaǵy da kerek emes degendi aıtty. Re­seı­diń resmı qaıratkeri sanalatyn oǵan munyń orynsyz ǵoı, aqylǵa syımaıdy, eldiń saıasatyna qaıshy deıtin de eshkim joq. Keıde osyndaı sandyraqty oǵan ádeıi aıtqyzatyndaı kórinedi.

S-300 ­– Abhazııada

Reseıdiń atyshýly S-300 zenıtti zymyrandyq júıesi Abhazııa respýblıkasynyń aýma­ǵyna ornalastyryldy. RF Ás­kerı-áýe kúshteriniń qolbasshysy Aleksandr Zelınniń málim­deýin­she, bul júıe osyndaǵy reseılik áskerı baza men respýblıka aýma­ǵyn qorǵaýǵa arnalǵan kóri­nedi. Muny Reseıdiń mılıta­rıstik saıasatynyń bir kórinisi dep tujyrymdaýǵa bolǵandaı.

Qaldyqtar ­– Reseıge

Germanııa ózindegi radıoak­tıvti qaldyqtardy Baltyq teńizi arqyly Reseıge jiberetini aı­qyn­dalyp otyr. Oǵan 12,8 mıl­lıon dollar qarjy tólenbek. Qal­dyq degende, 1957 jyly KSRO-nyń aralasýymen salyn­ǵan, 1991 jyly jumysyn toq­tat­qan ıadrolyq zertteý reaktorynda paıdalanylǵan 951 otyndyq ózek kórinedi. Ony Reseıge jetkizýge úsh keme kerek eken.

Dańǵoılyq básekesi

Fınnderdiń Heınola qala­syn­da  saýna boıynsha álem birin­shiliginde reseılik Vladımır Ladyjenskıı qaza tapty. Fınn Tımo Kaýkenen ekeýi 110 gra­dýstyq ystyqta alty mınótteı otyrǵannan keıin, reseılik jan tapsyrypty, fınn asa aýyr jaǵ­daıda aýrýhanaǵa túsipti. Sport­tyń basqa túrinen de adamdar qaza taýyp jatady ǵoı, biraq saýna jarysyn aqylǵa syıdyrý qıyn. Syra ishýden, et jeýden de jarysyp, jurttyń aqymaq bolyp jatatyny bar, biraq otqa túsip jarysý, sirá, dańǵoı­lyqtyń shegi bolar.

Ázirlegen Mamadııar JAQYP.