Alǵashqy olımpıadanyń alaýy

Osy kúnderi Sıngapýrde I jas­óspirimder arasynda jazǵy Olımpııa oıyndary ótýde. Onyń ashylý saltanaty ádettegideı stadıonda emes, Sıngapýrdyń “Marına Beı” iri ekonomıkalyq aýdanynda arnaıy qorshalǵan sahnada ótti. Bıylǵy Olımpıadaǵa 205 mem­leketten 3 myń 594 sportshy qa­ty­sýda. Olar sporttyń 29 túri boıyn­sha 201 medal jıyntyǵyn sarapqa salady. Olımpıada kezinde sport­shylar jas mólsherine qaraı bólinip, kúsh synasady. Sonymen birge keı­bir jarystarda ul-qyzdardyń aralas komandalary oınap, Ulttyq Olım­pııalyq komıtetteriniń ókilderinen quralǵan qurlyqtyq quramalar ara­synda jarystar ótkiziledi. Olımpıadanyń birinshi kúni Qa­zaqstan sportshylary alǵashqy al­tyn júldeni jeńip aldy. Grek-rım kú­resiniń balýany, Astanadaǵy Qajy­muqan Munaıtpasuly atyndaǵy sportta daryndy balalarǵa arnalǵan respýblıkalyq mektep-ınternattyń túlegi Jánibek Qandybaev 69 kg. salmaqta tórt ret kilemge shyǵyp, jas­óspirimder Olımpıadasynda tuńǵysh ret altyn júldege ıe bolǵan sportshy atandy. Al Olımpıadanyń alǵashqy júldesin Qazaqstan qurama­syna taǵy da osy jarys túrinen shyqqan Ahan Baımaǵambetov ıelendi. Ol 42 kg. salmaq dárejesinde qola júldeni qanaǵat tutty. Osy jerde aıta ketetin nárse, grek-rım kúre­sinen barlyǵy bes salmaq boıynsha ótken beldesýlerde burynǵy Keńes Odaǵy respýblıkalary balýanda­ry­nyń basymdylyǵy baıqalyp turdy. Munda Qazaqstan bir altyn, bir qola, Reseı, Qyrǵyzstan men Ázirbaıjan eki altyn medal alsa, Ýkraına men О́zbekstan bir kúmis jáne bir qola medaldi moıyndaryna taqty. Olımpıadanyń ekinshi kúni sýǵa júzýden ótken jarysqa Astanadaǵy Qajymuqan Munaıtpasuly atyndaǵy sportta daryndy balalarǵa arnalǵan respýblıkalyq mektep-ınternattyń túlegi Ekaterına Rýdenko, Olımpııa­lyq daıarlaý ortalyǵynyń ókili Rýslan Baımanov qatysyp, elý metrge arnalǵan jarysta jartylaı fınalǵa shyǵa almasa, Al 100 metrge arnalǵan “Brass” ádisi boıynsha ótken báse­ke­de Iýlııa Lıtvına da jartylaı fı­nal­dan asa almady. Trıatlon bá­se­kesinde synasqan Karolına Solove­va 32 sportshynyń arasynda 21-shi bolyp márege jetti. Keshe sporttyń osy túrinen Kı­rıll Ývarov jarysyp, 27 orynǵa ıe boldy. Ázirshe Olımpıadanyń úsh kú­ni­nen keıin otandastarymyz jal­py ko­mandalyq esepte 6-shy orynda keledi. Ardaq TOǴYMOV,  arnaıy “Egemen Qazaqstan” gazeti úshin – Sıngapýrden.