Egin ósirýshilerdiń ókpesi

Aýa raıynyń qýańshylyǵy kóp­te­gen elderdi tyǵyryqqa tirep, álem­dik rynoktaǵy astyq baǵasyn sharyq­tatyp jiberdi. Baǵa sát saıyn quby­lyp, ósip barady. Kanada, Reseı, Ýkraına sekildi astyqty elderde bir tonna bıdaıdyń quny 250 AQSh dol­laryn qurap otyr. Áli de kóterile túsetin túri bar. Soltústik­qazaq­stan­dyq dıqandar da alańdaýly. Qyr­man­darǵa astyq túse bastady. Sony “Azyq-túlik kelisim-shart” korpora­sııa­synyń jergilikti fılıalyna ótkizip, jumysshy-qyzmetkerlerdiń jalaqysyn, basqa da tólemderdi óteıin dese, áli kúnge deıin astyqtyń baǵasy da, kvota mólsheri de belgi­len­begen. Osy máselemen tikeleı aınalysatyn vedomostvolar kesimdi sózderin aıtýdyń ornyna áliptiń ar­tyn baǵyp otyrǵan syńaıly. Oblysqa “Azyq-túlik kelisim-shart” korporasııasy AQ prezıdenti Rýslan Azımovtyń, basqarýshy dırek­tor­la­ry Mark Elperın men Dáýlet Ýa­shev­tyń jumys saparymen kelýi agro­fırma jetekshilerin eleń etkizip, jaýap­ty naýqannyń qyzǵan shaǵyna qaramastan oblystyq ákimdikte ótken jıynǵa qatysýǵa asyqty. Qazaq­stan­­nyń Eńbek Eri Gennadıı Zen­chen­ko bastaǵan aýyl sharýashylyǵy óni­min óndirýshiler olarmen aýyzba-aýyz tildesip, máseleniń qalaı sheshilip jatqanyn bilmekke yntyqty. Jedel keńesti oblys ákimi Serik Bilálov kirispe sózben ashyp, kúzdik bıdaıdyń túsimdiligi 9,9 sentnerden aınalǵanyn, endigi bar kúsh-jigerdiń ortasha shyqqan dándi daqyldardy jınap alýǵa baǵyttalǵanyn, tehnıka da, janar-jaǵarmaı da jetkilikti eke­nin jetkizdi. Rýslan Jumabaıuly min­bege kóterilgende zal ishinde shybyn yzyńy ǵana estiletindeı ty­nyshtyq ornady. Jınalǵandar odan astyq baǵasyna, ótkizýge baılanysty naqty jaýap kútti. Alaıda, onyń astyq naryqtaǵy jaǵdaıǵa saıma-saı baǵalanady degen jalpylama sózine eshkim qanaǵattanbady. – “Azyq-túlik kelisim-shart” kor­porasııasyna memleket azyq-túlik qaýipsizdigin qamtamasyz etý, astyqty satyp alý kvotasyn belgileý, baǵa saıasatyn anyqtaý quqyqtaryn berip otyrǵandyqtan, ózimizdi tolǵantqan máseleler tóńireginde naqty jaýap alǵymyz kelip edi. Alaıda, qalyp­tas­qan kúrdeli jaǵdaıǵa oraı qabyl­da­ný­ǵa tıisti utymdy sheshimniń saǵyz­daı sozylyp ketkeni tańdandyrmaı qoımaıdy. Satyp alynatyn astyq kó­leminiń de, baǵasynyń da belgilen­beýin qalaı túsinemiz? Bir tonna bıdaıdyń baǵasy 230-250 dollardan kem bolmaýy tıis. Qyzyljar óńiriniń dıqandarynyń aıtar ýáji osy. О́ıt­pegen jaǵdaıda iri agroqury­lym­dar­dyń ózderi jalaqyǵa, tehnıka satyp alýǵa jumsaǵan shyǵyndaryn óteı almaı bankrotqa ushyrap qalary anyq, — dedi Gennadıı Ivanovıch kópshiliktiń kókeıindegi qyjyldy tap basyp. Onyń sózin “Selhozhımııa” JShS dırektory Vasılıı Shkodın, “Aqseleý” agrofırmasynyń jetek­shi­si Serik Malaev, “Mámbetov jáne K” komandıttik seriktestiginiń dırek­to­ry Konstantın Mıshenev qostap, talaılardyń korporasııanyń jer­gi­lik­ti ókildiginiń tabaldyryǵyn toz­dyryp júrgenin aıtty. Bank­terden alynǵan kredıttik tólem­derdi óteýge de ýaqyt jaǵynan jeńildik berilýin suraımyz, desti olar. Aımaq bas­shysy S.Bilálov Úkimet tarapynan aýyl sharýashy­lyǵyn órkendetýge qomaqty qarjy bólinip jatqanyn, bıyl onyń 16 mıllıard teńgeni qu­raǵanyn aıta kelip, sharýashy­lyq­tar­dyń bank­termen, ujym múshele­rimen der ke­zinde esep aıyrysýy úshin korpo­rasııa tarapynan shuǵyl tó­lemderdi jedeldetýdi ótindi. Elbasy Nursultan Nazarbaevtyń qatysýymen ótken keńeste Aýyl sharýashylyǵy mınıstri Aqylbek Kúrishbaev bıyl Qazaqstanda qansha astyq alynatyny, ishki qajettilikke qansha jumsalatyny, syrtqa qansha mólsherde satylatyny jóninde naq­pa-naq málimdep edi. Olaı bolsa, mı­nıstrlikke qarasty vedomostvo­lar­dyń áli kúnge deıin ún-túnsiz otyr­ǵany túsiniksiz. О́mir ESQALI, Soltústik Qazaqstan oblysy.