PETROPAVL. 19 qańtar. Baýyrlas qyrǵyz eliniń bir top jattyqtyrýshylary Qyzyljar óńirinde 3 kúndik jumys saparmen bolyp, birqatar sport nysandaryn aralady. Bul týraly egemen tilshisi habarlady.
«Sporttyń buqaralylyǵyn jandandyrýda Qazaqstannyń bizden kósh ilgeri ketkenin moıyndaýǵa týra keledi. Sizderde de sporttyń materıaldyq-tehnıkalyq bazasy jaqsy damyǵanyn kórdik. Narynda úsh qana kúres zaly jumys isteıdi»,–deıdi erkin kúresten jattyqtyrýshy Sýıýnbek Boshýbekov.
Delegasııa quramyndaǵy 8 jattyqtyrýshy sport saraıynda, basqa da ǵımarattarda bolyp, is-tájirıbeler almasty. Fýtbol, dzıýdo, hokkeı, boks, taǵy basqa úıirmelerdegi balǵyndardyń jattyǵý jumystaryn tamashalady.
Naryn oblystyq sportty qoldaý jáne damytý qorynyń tóraǵasy Elzar Bolotbekovtyń aıtýynsha, tájirıbe almasý sapary eki jaqqa da tıimdi bolmaq.
О́mir Esqalı.
Derek: egemen.kz.
Sýret: iktu.kz.