PETROPAVL. 19 qańtar. Jergilikti polısııa qyzmetkerleri taksı kóligin jaldap kele jatqan jolaýshylardy sholaq myltyqpen ustady. Bul týraly oblystyq ishki ister departamentiniń baspasóz qyzmeti habarlady.
Iаroslav Gashek kóshesi boıynda jol-patrýldik polısııasynyń kezekshi jasaǵy jedel-aldyn alý is-sharasy aıasynda taksı júrgizýshisin qujattaryn tekserý úshin toqtatqan. Ondaǵy eki jolaýshy tártip saqshylaryn kóre salysyme qobaljyp, sasqalaqtap qalǵan. Oqıǵa ornyna jedel-tergeý tobynyń qyzmetkerleri kelip, qarý tasýshylardy polısııa bólimine jetkizgen. Sholaq myltyq tárkilenip, sot-ballıstıkalyq saraptamasyna jiberilgen. Tekserý barysynda 34 jastaǵy qarý ıesiniń buryn múliktik qylmystarǵa qatysty isti bolǵany anyqtalǵan. Onyń túsindirýi boıynsha, sol kúni «Okean» saýda úıiniń mańyndaǵy týysynyń úıinde qonaqta bolǵan. Jertóleden kezdeısoq sholaq myltyqty kórip, ózimen birge ala ketken.
Saraptama nátıjesinde bul tárkilengen qarý 1949-1955 jyldar aralyǵynda shyǵarylǵan bir uńǵyly ańshy myltyǵynyń qysqartylyp kesilgen túri ekeni belgili boldy.
Atalǵan fakti boıynsha Qylmystyq kodekstiń «Qarýdy zańsyz saqtaý» baby negizinde qylmystyq is qozǵaldy.
О́mir Esqalı.
Derek, sýret: oblystyq ishki ister departamentiniń baspasóz qyzmeti.