ASTANA. 19 qańtar. Perýdiń Hýnın aımaǵynda avtobýs apat bolyp, 16 adam qaza tapty. Sondaı-aq, 10 jolaýshy túrli jaraqat aldy. Bul týraly rbc.ru saıtyna silteme jasaǵan egemen.kz tilshisi habarlady.
Jolaýshylar kóligi 35 metr bıiktikten qulady. Qaıǵyly oqıǵa dúısenbi kúni jergilikti ýaqyt boıynsha, saǵat 14:30 boldy. Júrgizýshi rólge ıe bola almaǵanynan avtobýs Tarma ózenine qulap ketken.
Polısııa qyzmetkerleri buralań jolda júrgizýshi joǵary jyldamdyqpen júrgen degen boljam jasaýda.
Serjant Hose Mendostyń aıtýynsha, mert bolǵandar sany aldaǵy ýaqytta áli de ósýi múmkin.
Aıan Ábdýálı.
Derek: rbc.ru.
Sýret: v-kurier.ru.