Qazaqstan-Reseı shekarasynda pnevmatıkalyq qarýmen jáne gaz ballonshalarmen qarýlanǵan О́zbekstan azamaty ustaldy, dep habarlady QR UQK ShQ baspasóz qyzmeti.
Jaǵalaý kúzeti óńirlik basqarmasynyń «Qurmanǵazy avto» tekserip-ótkizý pýnktiniń shekara narıady Reseıden bizdiń elimizge qaraı «Lada Largýs» avtokóligimen kele jatqan 46 jastaǵy О́zbekstan azamatyn ustady.
Kólikti tekserý barysynda 9 dana gaz ballonshalary, árqaısysynda 500 danadan eki qorapqa salynǵan 4,5 mm mys sharlary tabyldy. Bul mys sharlar pnevmatıkalyq tapanshaǵa arnalǵandyqtan ári qaraı tapanshanyń ózi izdestirilip, ol («GLETCHER GHR941» markaly 4,5 kalıbrli qarý) azamattyń syrt kıiminiń ishindegi qapshyqtan tabyldy.
Ustalǵan azamat týraly quqyq qorǵaý organdary qulaqtandyrylyp, tergeý-tekserý jumystary bastaldy.