Qazaq sportynyń dańqyn asyrýǵa súbeli úles qosqan sport mektepteriniń biri – Qaraǵandy oblystyq sportqa beıimdi, daryndy balalarǵa arnalǵan mamandandyrylǵan mektep-ınternaty. Bárin jipke tizip aıtpasaq ta, grek-rım kúresinen álem chempıony Igor Rostoroskıı, erkin kúres balýandary – jastar arasyndaǵy álem chempıony Amangeldi Japparov, jasóspirimder arasyndaǵy álem chempıony Serik Alshynbaev, bylǵary qolǵap sheberleri – Álem kýbogynyń ıegeri Arkadıı Topaev, olımpıada chempıony Serik Sápıevtiń atalǵan mektepten túlep ushqqanynyń ózi osy sózimizge dálel bola alady.
О́kinishke qaraı, sońǵy jyldary chempıondardyń ustahanasyna aınalǵan bul mekteptiń baǵy janbaı-aq qoıdy. Basshysy turaqtamaı jıi aýysty, tárbıe jumysy bosańsyp, sharýasynan da bereke kete bastaǵan-dy. Muny sporttyń mańynda júrgen janashyr azamattar, mekteptiń burynǵy túlekteri de jıi aıtyp júrgen bolatyn. Jaǵdaıdyń osylaısha qalyptasqany eń aldymen sporttaǵy jetistikterge keri áserin tıgizgeni de ras edi.
Taıaýda osy mektep-ınternattyń dırektory taǵy da aýysty. Bul jolǵy kelgen basshyny – Arqa sportynda ózindik qoltańbasy bar Erden Halılındi bilim ordasynyń ujymy óz aldyna, jalpy Qaraǵandy sportynyń qaýymy jyly qabyldady. Nege deseńiz, Erden Baltabaıuly – óńir sportynyń ósip-órkendeýine bir kisideı atsalysyp kele jatqan azamat. Kezinde osy mektepte jattyqtyrýshy bolyp eńbek jolyn bastaǵan, 2008-2011 jyldary oblystyq sport salasyn basqardy. Odan keıin «Shahter» fýtbol klýbynyń atqarýshy dırektory retinde órge súırep, el chempıonatynyń shyńyna eki márte shyǵarǵan. Uıymdastyrýshylyq qabileti zor basshy retinde qolǵa alǵan sharýany urshyqsha ıirip áketetin iskerligimen kózge tústi.
Endi Erden Halılındeı bilikti basshyǵa artylar senim zor. Sportymyzdy ushpaqqa shyǵarar degen daryndar oqyp, tárbıe alyp jatqan bilim mekemesiniń bedelin kóterip, mereıin ósirý – eń birinshi kezekte turǵan mindet.
Qaırat ÁBILDINOV,
«Egemen Qazaqstan».
QARAǴANDY.