23 jyl buryn qurylǵan ınstıtýt

Áskerı qyzmetshilermen ju­mys jasaýda jaýyngerlik jáne mo­raldyq rýh negizgi basymdyq bolyp qaralmaıtyn armııa joq shyǵar, sirá. Armııa úshin barlyq negizderdiń negizi jáne mundaǵy mańyzdy ról tárbıeshi ofıserlerge júktelgen. Olardyń mindeti – naǵyz áskerı qyzmetshi etip tár­bıeleý. Búginde Qazaqstan Qarýly Kúshteri tárbıeshileriniń ınstıtýty óziniń qurylý kúnin atap ótýde. 19 qańtarda, osydan 23 jyl buryn Qazaqstan Res­pýblıkasy­nyń Prezıdenti Nursultan Nazarbaevtyń Jarlyǵymen eli­mizde komandırlerdiń tárbıe já­ne áleý­mettik-quqyqtyq jumys jó­nin­degi orynbasarlary ınstıtýty quryldy. Búginde QR QK tárbıe qu­ry­lymdarynyń áskerı qyz­metshileri – komandırlik qa­sıet­ke, harızmaǵa, erik-kúshke, jeke qurammen jumys jasaý jáne ujymdy jumyldy­rý qa­bilettiligine ıe mamandar. «2015 jyl sátti boldy, biz Uly Otan soǵysyndaǵy Jeńistiń 70 jyldyǵyna oraı Qurlyq ásker­lerinde, Qazaq handyǵynyń 550 jyldyǵy sheńberinde kóp­te­gen iri aýqymdaǵy is-shara­lar jáne 60-tan asa flesh-mob ótkizdik. Maqsatymyz – áskerı qyzmetshilerge patrıottyq tárbıe berý, oqý-jaýyngerlik tapsyrma­lardy sapaly oryndaý, óskeleń urpaqty tárbıeleý, joǵary mo­raldyq rýh, qazaqstandyq pat­rıo­tızmge tárbıeleý», – dep atap ótti QR QK Qurlyq áskerleri bas qolbasshysynyń tárbıe jáne áleý­mettik-quqyqtyq jumystar jónindegi orynbasary polkovnık Jumabek Hasenov. 23 jyl buryn qoldanystaǵy tárbıeshiler ınstıtýty qazaq­standyq armııada qurylyp jat­qan kezde qyrýar jumys boldy. Sol sátten bastap tárbıe qury­lymdarynyń ofıserleri komandırlermen birlesip, bólimshelerde moraldyq-adamgershilik jaǵ­daıdy qalpyna keltirý, áskerı qyzmettiń be­deli men ımıdjin arttyrý, jeke quramnyń ar-na­mysynyń qorǵalýyn qam­ta­masyz etý, áskerı tártip pen qu­qyqtyq tártipti nyǵaıtý úshin úlken tár­bıe jumysyn atqardy. «Qazirgi ýaqytta tár­bıe­shi­lerdiń róli arta túsýde. Áskerı-teńiz kúshterinde tárbıeshilerdiń shtaty osyndaǵy basqarmalardaǵy joǵary býynnan bastap bólim­shelerdegi tómengi býyndarmen aıaqtaı otyryp, tolyq jasaq­talǵan. Osy jyldan bastap ju­mysymyzǵa jaýyngerlik ke­zekshilikti qamtamasyz etý qo­­syldy. Sebebi, áskerı teńizshiler jerden, ózderiniń otbasylarynan uzaq ýaqyt jyraqta júredi. Osy aralyqta olarda sheshýdi qajet etetin áleýmettik-turmystyq jáne ózge de máseleler týyndaıdy», – dedi QR QK Áskerı-teńiz kúshteri bas qolbasshysynyń tárbıe jáne ıdeologııalyq jumystar jónindegi orynbasary 1-dárejeli kapıtan Serik Borambaev. «Búginde tárbıe qurylymdary ofıserleriniń kásibı qasıetterine joǵary talap qoıylady, tárbıe jáne ıdeologııalyq jumys júıe­sin jetildirý boıynsha jańa tap­syrmalar berilýde, sondaı-aq, jeke quramnyń joǵary mo­ral­dyq-psıhologııalyq qasıet­teri qalyptastyrylýda», – dedi Áýe qorǵanysy kúshteri bas qol­­bas­shysynyń tárbıe jáne ıdeologııalyq jumystar jónindegi orynbasary polkovnık Turaly Qoıshyqulov. Olar ózderiniń jumysyn QR QK barlyq áskerı bólimderi men túrleri, ásker tekteri, óńirlik qolbasshylyqtyń bólimshelerinde júrgizýde. Jumys árkez aıqyn kórine bermeıdi. Alaıda, armııanyń joǵary jaýyngerlik rýhy, tárbıe alyp júrgen ujymnyń jumylýy jáne muqalmaýy – sonyń jaqsy bir dáleli. Berik SADYR, «Egemen Qazaqstan». ASTANA.