QARAǴANDY. 20 qańtar. Qaraǵandy oblysynda Ishki ister departamenti jergilikti polısııa qyzmetiniń kúshimen 19-21 qańtar aralyǵynda «Avtobýs» jedel aldyn alý is-sharasy ótedi. Bul týraly oblystyq IID baspasóz qyzmetine silteme jasaǵan egemen.kz tilshisi habarlady.
Búgingi tańda qoǵamdyq kólik júrgizýshileriniń jol qaýipsizdik erejelerin buljytpaı saqtaýy ózekti máseleniń biri bolyp otyr. О́tken jyldyń ózinde Qaraǵandy oblysynda qoǵamdyq kólik júrgizýshileriniń qatysýymen 35 jol-kólik oqıǵasy bolǵan. Saldarynan 10 adam qaıtys bolyp, 46 adam túrli deńgeıdegi dene jaraqatyn aldy.
Atalǵan is-shara barysynda jergilikti polısııa qyzmetkerleri qoǵamdyq kólik qyzmetiniń jumysyn tekserip, jol erejeleriniń saqtalýyn qatań baqylaýǵa alatyn bolady.
Qaırat Ábildınov.
Derek, sýret: Qaraǵandy oblystyq Ishki ister departamenti