ASTANA. 20 qańtar. Astana qalasy fýtbol federasııasy saıtynyń memlekettik tildegi nusqasy ashyldy. Ol sportsffa.kz/kz dep atalady. Bul týraly jýrnalıst Nurǵazy Sasaevtyń Facebook áleýmettik jelisindegi paraqshasyna silteme jasaǵan egemen.kz tilshisi habarlady.
«Súıinshi! Qazaq fýtboly týraly jańa saıt!
Bıssımılahı - dep, jańa isti bastadyq. Astana fýtbol federasııasynyń qazaq tili bólimin ashyp jatyrmyz. "Basty bet oryssha ashylady eken", - dep sókpeńizder. Áý basta orys tilinde júrgizilgen saıt qoı. Birneshe myń oqyrmany da bar...
Endi qazaq tildi oqyrmandardy tartyp, ana tilimizdegi janashyrlar sany kóbeıip, orys tildi oqyrmandar qarasymen teńesip jatsa, onda basty bet qazaqsha ashylatyn bolady. Solaı kelisip, josparlap otyrmyz.
Sondyqtan "qazaq fýtboly týraly derek kózder kóbeısin" degen er-azamattar bolsa, qoldaıdy dep úmittenemiz.
Josparlap otyrǵan jobalarymyz da kóp. Astana fýtbolynyń tynys-tirligimen qatar, qazaq fýtbolynyń da saraptamalyq turǵydaǵy nasıhatshysy bolsaq deımiz.
"Birlese kótergen júk jeńil" deıdi qazekem, endeshe, sizderdiń rýhanı qoldaýlaryńyz biz úshin - óte mańyzdy ári qajet...», dedi Nurǵazy Sasaev áleýmettik jelidegi paraqshasynda.
Dastan Kenjalın.
Derek: egemen.kz
Sýret: sportsffa.kz/kz