PETROPAVL. 20 qańtar. Soltústik Qazaqstan oblystyq ishki ister departamenti tártiptik keńesiniń sheshimimen 8 polısııa qyzmetkeri qyzmetinen alastatyldy. Bul týraly egemen tilshisi habarlady.
Oblystyq Ishki ister departamentiniń bastyǵy, general-maıor Berik Bilálovtyń, qala ákimi Marat Tasmaǵanbetovtyń qatysýymen ótken tártiptik keńestiń ashyq otyrysynda ishki qyzmettik qaýipsizdiń basqarmasynyń bastyǵy Nurlan Qaparov polısııa qyzmetkerleri jasaǵan jemqorlyq qylmys faktileri jaıly baıandady. Tártiptik komıssııa sheshimimen para aldy degen kúdikpen ustalǵan Petropavl qalalyq ishki ister basqarmasynyń 2 jedel ýákili, atap aıtqanda, kapıtandar Jangeldi Sahatov pen Erbol Shaıynov quqyq qorǵaý salasynan qýyldy. Bul ekeýi qańtar aıynda qylmystyq isti toqtatý úshin 100 myń teńge para alý kezinde ustalǵan bolatyn. Bir tańqalarlyǵy, alym talap etýshiler tártip saqshylardyń otbasynan shyqqan. Kapıtan Erbol Shaıynovtyń ákesi Petropavl qalalyq, Shal aqyn aýdandyq polısııa bólimshelerinde jetekshilik etken.
Jalpy, keńes otyrysynda ózderiniń qyzmettik mindetterin durys atqarmaǵandyǵy, qaramaǵandaǵy baǵynyshty qyzmetkerlerdiń qyzmetine durys baqylaý júrgizbegeni úshin birqatar basshylar qatań tártiptik jazaǵa tartyldy. Qyzmetinen qýylǵan polısııalardyń tikeleı basshylary laýazymdy qyzmetterinen bosatyldy. Olardyń arasynda qalalyq ishki ister basqarmasy bastyǵynyń orynbasary Aleksandr Derov, bólim bastyqtary Janat Tańatqanov, Serik Áljanov, Esil aýdandyq ishki ister basqarmasy bastyǵynyń orynbasary Oleg Iаnýshkın sekildi laýazym ıeleri bar. Sondaı-aq, oblystyq ishki ister departamenti bastyǵynyń orynbasarlary Dýman Taev pen Vıktor Býkreev te jazadan qutyla almady.
О́tken jyly Esil aýdanynda jemqorlyq sıpattaǵy qylmysqa bardy degen kúdikpen kámilettik jasqa tolmaǵandar isi jónindegi ınspektor ustalǵan-dy. Ol aýyldasyn ákimshilik jaýapkershilikke bosatý úshin 20 myń teńge talap etken. Osy isine oraı ınspektor jumystan shyǵarylyp, eki basshysy laýazymdy qyzmetterinen aıyryldy.
Munan ózge 20-ǵa jýyq shendilerge qatań sógis berildi.
О́mir Esqalı.
Derek, sýret: egemen.kz.