Ortalyq kommýnıkasııalar qyzmetinde Astana qalasy ákiminiń orynbasary Q.Aıtmuhametovtiń «2015-2016 jyldardaǵy jylý berý maýsymynyń ótý barysy jáne energııa kózderiniń damý bolashaǵy týraly» taqyrybynda brıfıngi bolyp ótti.
«О́zderińiz kýá bolyp otyrǵandaı, elordamyzda qysqy jylý berý maýsymy qalypty ótýde. Jylý tasyǵyshtyń belgilengen parametrleri bekitilgen júıelik kartaǵa sáıkes jumys istep tur, apattar men I deńgeıdegi toqtap qalý oqıǵalary tirkelgen joq» – dep bastady Astana qalasy ákiminiń orynbasary, baspasóz máslıhatyndaǵy kirispe sózinde.
Elordanyń energetıkalyq kesheni jylý jáne elektr energııalarynyń 2 negizgi kózderinen – jylý energııasyn bólý qýaty 2044,9 Gkal/saǵ jáne elektr energııasyn bólý qýaty 476 MVt/saǵ bolatyn 1-JEO jáne 2-JEO turady. Onyń ishinde 1-JEO-nyń quramynda 3 energetıkalyq, 7 sý jylytatyn qazan jáne jylý energııasyn bólý qýaty 675 Gkal/saǵ jáne elektr energııasyn bólý qýaty 15,1 MVt/saǵ bolatyn 3 qubyr agregaty (ózindik qajettilikterge arnalǵan) bar.
Al 2-JEO-nyń quramynda 6 energetıkalyq, 4 sý jylytatyn qazan jáne jylý energııasyn bólý qýaty 1369,9 Gkal/saǵ jáne elektr energııasyn bólý qýaty 460,9 MVt/saǵ bolatyn 5 qubyr agregaty bar. qala ákimi orynbasarynyń aıtýynsha búgingi tańda energııa kózderi qajetti otynmen tolyq qamtamasyz etilgen,jalpy alǵanda 27 kúnge jetetin kómirdiń 293 myń tonna, mazýttyń – 9,2 myń tonna qory bar.
Jalpy, elordanyń ortalyqtandyrylǵan jylytý júıesi 580,4 km. jylý qubyrlary júıelerinen, 10 sorý stansasynan, 2 ortalyq jylý taratý beketterinen turady. Sońǵy ýaqytta «Astana-Teplotranzıt» AQ-tyń ınvestısııalyq baǵdarlamasy aıasynda 12,1 km qubyr júıesi qaıta jóndelip, 7,2 km ıesiz jylý jelileri qalpyna keltirildi. «Nurly Jol» baǵdarlamasy boıynsha 2015 jyly jalpy uzyndyǵy 39,1 km bolatyn 4 jáne 5 qosylymdardyń 13,5 km jylý jelisi tóseldi. Bul joba negizinen turǵyn úı qurylystary júrip jatqan aýdandardy, EKSPO-2017 nysandary men jańa temirjol vokzaly aýmaqtaryn jylýmen qamtamasyz etýge baǵyttalǵan. Bolashaqta bul jylý jelileri elordanyń jańa aýdandarynyń jylýmen qamtamasyz etetin kúretamyryna aınalady. «Astana-Teplotranzıt» AQ paıdalanýshy uıymy qalanyń jylý júıelerindegi aqaýlardy 3 saǵattyń ishinde qalpyna keltirý maqsatynda arnaıy jóndeý brıgadalaryn qurdy.
Elordanyń elektrmen jabdyqtaý júıesi 220 kV-tyq 3 aralyq tirek stansasy, 110 kV-tyq 25 aralyq stansa, 1974 km áýe, 1564 km kabel jelisinen quralǵan. 2015 jyly 110/20 kV-tyq «Olımp», «Áýejaı» aralyq tirek stansalary paıdalanýǵa berilip, 20 kV-tyq «Nazarbaev zııatkerlik mektebi» kabel jelisiniń qurylysy aıaqtaldy. 10/0,4 kV-tyq 11 elektr taratý beketteri men transformatorlyq aralyq stansalar qaıta jóndeldi. Sonymen qatar, 2015-2016 jyldary jylytý maýsymyna daıyndyq aıasynda «Astana-AEK» AQ elektrmen jabdyqtaý uıymy 56 taratý beketi men 110-10-0,4 kV-tyq 78 km áýe elektr jelisin kúrdeli jóndeýden, 10/0,4 kV-tyq 35,2 km elektr jelilerin qaıta jóndeýden ótkizdi. Atalǵan sharalar tutynýshylardy elektr qýatymen jáne jylýmen jabdyqtaýdyń sapasy men turaqtylyǵyn arttyrdy.
Elordanyń turǵyn úı qory 35 541 úıden, sonyń ishinde 2352 kóppáterli turǵyn úı qorynan turady. «Elbasynyń tapsyrmasyna sáıkes elordada О́ńirlerdi damytýdyń 2020 jylǵa deıingi baǵdarlamasy júzege asyrylýda. О́tken jyly 43 turǵyn úıge kúrdeli jóndeý, 18 úıge aǵymdaǵy jóndeý júrgizildi, 14 úıde 26 lıft aýystyryldy. Qaıtarymdy qarjy esebinen 5 turǵyn úıdiń shatyry, 17 turǵyn úıdegi 31 jolaýshylar lıfti aýystyryldy. Turǵyn úılerdi jóndeýge qaıtarymdy qarjyny paıdalaný boıynsha Astana basqa aımaqtardan kósh ilgeri ekenin atap ótý kerek», – dedi qala ákiminiń orynbasary. Q.Aıtmuhametovtiń aıtýynsha, 2016 jyly elordanyń energokesheniniń jabdyqtaryn jańǵyrtý jumystary odan ári jalǵasyn tabady. 2-JEO qaıta qurý jáne keńeıtý aıasynda 220 Gkal/saǵ bolatyn № 5, 6 sý jylytatyn qazandardy jáne 180 Gkal/saǵ bolatyn № 7 qazanagregatyn iske qosý arqyly 400 Gkal/saǵ jylý qýatyn qosý josparlanǵan. Atalǵan nysandardaǵy jumystar bekitilgen kestege sáıkes júrgizilýde.
«Astana-Energııa» AQ-tyń jeke qarajaty esebinen ınvestısııalyq baǵdarlama aıasynda tehnologııalyq úrdisterdi avtomatty basqarý júıesin engizý, qazirgi kúl úıindisin qalpyna keltirý jáne eskirgen jabdyqtardy aýystyrý sııaqty 1-JEO jáne 2-JEO jańǵyrtýǵa baǵyttalǵan sharalar atqarylady. Sonymen qatar, jylý jelileri boıynsha 2016 jyly 18 km-den astam, sonyń ishinde ınvestısııalyq baǵdarlama aıasynda «Astana-Teplotranzıt» AQ qarjysy esebinen 13 km jylý jelisiniń qurylysy men qaıta jóndeý, jylý jelisiniń 4 jáne 5 qosylymdaryn iske qosý josparlanyp otyr.
«Astana-AEK» AQ elektrmen jabdyqtaý uıymynyń ınvestısııalyq baǵdarlamasy aıasynda 103 taratý beketi men 10 kV transformatorlyq aralyq stansalardy kúrdeli jóndeýden ótkizý, uzyndyǵy 34 km 10 jáne 0,4 kV-tyq kabeldi jelilerdi aýystyrý, elektr energııasyn kommersııalyq esepke alý avtomatty júıesin engizý, ortalyq dıspetcherlik qyzmette otyryp tehnologııalyq aqaýlar bolǵan jaǵdaıda jedel áreket etý úshin «Mektep» jáne «Ońtústik» aralyq stansalarynda SCADA taldaý jáne basqarý júıesin alý jumystary júrgizilmek.
2016 jyly Oqýshylar saraıy aýdanynda baǵyttaýshy jáne qorytyndylaýshy kollektorlary bar № 13 KSJ qurylysy, «Ońtústik» garaj kooperatıvi, Daraboz kóshesi men Momyshuly dańǵyly sııaqty elordanyń áleýetti qurylys aýmaqtaryna arnalǵan jeliler men qurylystar, Babataıuly kóshesi mańyndaǵy Tilendıev dańǵyly boıyndaǵy KSJ qurylysy tolyq aıaqtalady. Bul káriz jelilerindegi aýyrtpalyqty azaıtyp, elordanyń áleýetti qurylys aýmaqtarynan aǵyndy tıisti deńgeıde burýdy qamtamasyz etýge múmkindik beredi.
«Astana sý arnasy» MKK ınvestısııalyq baǵdarlamasy aıasynda 5501 p.m sý qubyryn jáne 3059 p.m káriz jelisin qaıta qurý jospary júzege asyrylmaq. BAQ ókilderimen júzdesý barysynda qala ákiminiń orynbasary jýrnalısterdiń birqatar suraqtaryna jaýap berdi.
Jylqybaı JAǴYPARULY,
«Egemen Qazaqstan».