ASTANA. 9 naýryz. Úndistannyń ońtústiginde Odıshıa shtatyna qarasty Bhýbaneshvar qalasynda iri jol apaty oqıǵasy boldy. Bul týraly TASS aqparat agenttigine silteme jasaǵan egemen.kz tilshisi habarlady.
Júk kóliginiń júrgizýshisi rólge ıe bola almaı úsh birdeı jolaýshylar avtobýsyn soqqan. Jedel jetken qutqarýshylar toby 5 adamdy kólik astynan aman alyp shyǵarǵan. Sondaı-aq, 25 adam túrli jaraqat aldy. Olar der kezinde jaqyn mańaıdaǵy aýrýhanalardyń birine jetkizildi. Dárigerlerdiń aıtýynsha, olardyń jaǵdaıy tym aýyr.
Polısııa qyzmetkerleri júk kóliginiń júrgizýshisi qalǵyp ketken degen boljam jasady. Qazirgi kezde oqıǵa ornynda tergeý amaldary júrip jatyr.
Aıta keteıik, Úndistan jol apaty boıynsha jáne osydan qaza tabýshylar kórsetkishi boıynsha álemde birinshi orynda tur. Bul memlekette jylyna 200 myńǵa jýyq turǵyn jol-kólik oqıǵasynyń qurbany bolady.
Aıan Ábdýálı.
Derek: TASS.
Sýret: tvc.ru.