Qurmetti otandastar!

Qazaqstan halqy Assambleıasy sizderdi Qazaqstan Respýblıkasynyń Konstıtýsııasy kúnimen shyn júrekten quttyqtaıdy. Elimizdiń Ata Zańy saıası jáne ekonomıkalyq júıeniń bastapqy qaǵıdalaryn anyqtap, jalpy adamı jáne jalpy ulttyq qundylyqtardy aıqyndady. Konstıtýsııa Qazaqstan Respýblıkasynyń Tuńǵysh Prezıdenti – Elbasy N.Ə.Nazarbaevtyń qoǵamdyq kelisim men jalpyulttyq birliktiń modeli retinde júzege asqan beıbitshilik pen kelisim saıasatynyń jáne qoǵamdaǵy birliktiń qaǵıdalaryn bekitti. Solardyń arqasynda Qazaqstan 25 jyl ishinde  túrli etnostar men konfessııalar ókilderin bir halyqqa, bir elge biriktirgen myqty Táýelsiz memleketke aınaldy. HHHI Jazǵy oıyndardaǵy Qazaqstan quramasynyń úzdik nátıjesi – osynyń kezekti aıqyn dáleli bolyp tabylady. Bizdiń sportshylarymyz búkil álemge Qazaqstan halqynyń aýyzbirshiligi men yntymaqtastyǵynyń jasampaz kúshin kórsetti! Qurmetti otandastar! Qazaqstannyń Konstıtýsııasy sarabdal áleýmettik saıasatty júrgizýdiń, halyqtyń  áleýetin arttyrýdyń   berik irgetasy ekenin  ýaqyt  dáleldedi. Ult Josparynyń «Biregeılik pen birlik» tórtinshi reformasyn iske asyrý Konstıtýsııamyzdyń áleýetin odan ári ashýdyń  jańa kezeńi  bolmaq. Qurmetti dostar! Bárimiz úshin mańyzdy kúni zor densaýlyq, baqyt pen amandyq tileımiz! Atalǵan mereke alǵa qoıylǵan maqsattarǵa jetý jolynda bizge únemi kúsh-qýat pen senimdilik bersin! Qazaqstan halqy Assambleıasynyń Keńesi