Uly dalanyń úni

  Búgin «Qazmedıa» ortalyǵynda Qazaq radıosyna 95 jyl tolýyna oraı «Halyqaralyq baılanystar ornatýdaǵy radıonyń róli» atty konferensııa boldy. Alǵash 1921 jyldyń qazan aıynan bastap Orynbor qalasynan búkil respýblıkaǵa translıasııa berile bastady. Bir ǵasyrǵa jýyq ýaqyttyń ishinde qazaq dalasyn án-kúımen terbegen, halyqqa rýhanı jan azyǵyn syılaǵan, oǵan qosa eldegi búkil oqıǵalardy shuǵyl taratyp otyrǵan Qazaq radıosynyń  qoǵamdyq ómirden alar orny men tarıhı máni týraly kóp aıtýǵa bolady. Radıonyń 95 jyldyq tarıhyna kóz júgirtsek, qazaqtyń ádebıeti men mádenıetine, ónerine qatysy bar adamdardyń kóbiniń esimi osy radıomen tikeleı baılanysty ekenin kórýge bolady. Fılologııa ǵylymdarynyń doktory Namazaly Omashuly Qazaq radıosy bir kúnde  40 shaqty «Pravda» gazetine teń bolatyn aqparatty taratqan. Qazaq radıosy búginde táýlik boıy 9 tilde habar taratady: qazaq, orys, aǵylshyn, nemis, koreı, uıǵyr, ázerbaıjan, túrik jáne tatar tilderinde. Konferensııaǵa birqatar elderden qonaqtar keldi. Olardyń arasynda Búkilreseılik memlekettik televızııa jáne radıotarataý kompanııasy bas redaktorynyń keńesshisi Vıacheslav Ýmanovskıı (Reseı), Ulttyq teleradıo taratý korporasııasynyń bas dırektory Kaırat Imanalıev (Qyrǵyzstan), Bı-Bı-Sı-diń qyrǵyz redaksııasynyń prodıýseri Venera Koıchıeva (Ulybrıtanııa), Ortalyq Halyq radıostansasynan Qanatbek Jumabaıuly (QHR), «Deutshe Welle» halyqaralyq kommýnıkasııa ortalyǵynyń dırektory  Klaýs Bergman (Germanııa) bar. Aıgúl SEIILOVA