Jyl basynan beri respýblıkalyq bıýdjetten transfert esebinde 69,1 mlrd. teńge tússe, sonyń 29,5 mlrd. teńgesi - sýbvensııalar. El qazynasynan berilgen maqsatty transfertter 39,6 mlrd. teńgeni qurasa, sonyń 35,5 mlrd. teńgesi - aǵymdaǵy, 4,1 mlrd. teńgesi - damýǵa arnalǵan qarjylar.
Salyqtyq túsimderdiń 80,2 paıyzyn (23,9 mlrd. teńge) jeke tabys jáne áleýmettik salyqtar quraıdy.
Respýblıkalyq bıýdjetten zaıymdyq qarjy esebinde 3,9 mlrd. teńge bólinip, sonyń ishinde 900,4 mln. teńge «Dıplommen aýylǵa» jobasyna sáıkes aýylǵa barǵan mamandardy qoldaýǵa, 919,0 mln. teńge «Jumyspen qamtýdyń jol kartasy - 2020» baǵdarlamasy aıasynda kásipkerlikti damytýǵa, 1905,8 mln. teńge jylý, sýmen qamtý júıelerin qaıta qurý men salýǵa, 152,1 mln. monoqaladaǵy (Aqsaı) kásipkerlikti óristetýge baǵyttaldy. Budan basqa turǵyn úı qurylysyna qarjy tartý úshin 1,6 mlrd. teńgege memlekettik baǵaly qaǵazdar (oblıgasııalar) shyǵaryldy.
Oblystyq bıýdjettiń shyǵys bóligi 1 qazanǵa 99,6 paıyzǵa (97,1 mlrd. teńge) oryndaldy. Sonyń ishinde densaýlyq saqtaý salasyna 19,9 mlrd. teńge jumsaldy, bul - jalpy shyǵystyń 20,5 paıyzy. Osy merzimde turǵyndarǵa tegin medısınalyq kómektiń kepildendirilgen kóleminde 9,0 mlrd. teńge járdem berildi. Sol sekildi týberkýlez, juqpaly jáne psıhıkalyq aýrýlarmen naýqastanatyndarǵa 3,0 mlrd. teńge, onkologııalyq aýrýlarǵa 1,3 mlrd. teńge ketti. Densaýlyq saqtaý nysandaryn salý men qaıta qurýǵa 1,0 mlrd. teńge qaraldy.
Turǵyn úı-kommýnaldyq sharýashylyq salasyna toǵyz aıda 9,7 mlrd. teńge (10,0 paıyz) qarastyrylyp, sonyń ishinde eldi mekenderdi gazdandyrýǵa 1,2 mlrd. teńge berildi.
Bilim berý salasyna 8,8 mlrd. teńge (9,1 paıyz) shyqsa, sonyń 4,0 mlrd. teńgesi tehnıkalyq jáne kásibı bilim berý, mektepten keıingi bilim berý uıymdarynda mamandar daıarlaýǵa bólindi.
Kólik jáne kommýnıkasııa salasyna jyl basynan beri 6,0 mlrd. teńge (6,2 paıyz) jumsaldy. Oblystyq mańyzy bar joldardy kúrdeli jáne orta jóndeýge 5,1 mlrd. teńge, avtojoldardy kútip ustaýǵa 227,9 mln. teńge baǵyttaldy.
Qoǵamdyq tártipti saqtaý men qaýipsizdik salasyna 4,1 mlrd. teńge (4,2 paıyz) jumsalsa, sonyń ishinde ishki ister organdarynyń nysandaryn salý men jóndeýge 1,0 mlrd. teńge qaraldy.
Áleýmettik kómek jáne áleýmettik qamtamasyz etý sharalaryna 2,9 mlrd. teńge (3,0 paıyz) bólinse, sonyń ishinde qarttar men múgedekterge arnalǵan medısınalyq-áleýmettik mekemelerge 543,7 mln. teńge ketti.
«О́ńirde basqa da salalar men baǵdarlamalar boıynsha qajetti qarjy bólinip, onyń oryndalýy únemi nazarda ustalýda», - dedi Aıgúl Baqytjanqyzy.
