Tús aýa aspandy bult tutastaı torlady da bir kezde kútpegen jerden ushqyndap qar jaýdy. Sálden soń usaq qar túıirshikteri irilenip japalaqtap jaýa bastady. Osy sátte tańerteńgilik adamdardy dirdektetip jibergen yzǵyryq jel de báseńdep tóńirektiń bári jylynyp sala bergendeı kórindi.
Álbette munyń ózi naýryzdyń aqshaqary edi. «Qardyń basyn qar alar» demeýshi me edi mundaıda dana halqymyz. Sondaı-aq Naýryz kúni jaýǵan qar – tazalyq pen páktiktiń, jaqsylyq pen qut-berekeniń habarshysyndaı kórinetini de bar. Sonymen birge, naýryzdyń aqshaqary ádemilik pen tabıǵattyń erekshe ári kelisti kórinisi de bola alady. Bul jóninde halyq aýyz ádebıetinde nebir taptyrmas tamasha teńeýler men epıtetter de bar ekeni belgili. Aıtalyq, Qyz Jibek eposynyń bir qaıyrmasy bylaı dep kelmeýshi me edi: «Qyz Jibektiń aqtyǵy, Naýryzdyń aqshaqaryndaı. Aq betiniń qyzyly aq taýyqtyń qanyndaı».
Naýryzdyń aqshaqary joǵaryda aıtylǵandaı aldaǵy qut-berekeniń basy bolsa ıgi.
Temir QUSAIYN,
«Egemen Qazaqstan»
AQTО́BE
