Ol 35 jasta, bilimi joǵary. 2005 jyly Qazaq memlekettik medısınalyq ýnıversıtetin, 2008 jyly Gannover joǵary medısına mektebin bitirgen. AQSh-ta «Qoǵamdyq densaýlyq saqtaý» mamandyǵy boıynsha is-tájirıbeden ótken. Qoǵamdyq densaýlyq saqtaý magıstri.
Qanat Tósekbaev eńbek jolyn jedel járdem qyzmetinde feldsher bolyp bastaǵan.
2008-2009 jyldary «Ulttyq medısınalyq holdıng» AQ basqarma basshysynyń keńesshisi, 2009-2010 jyldary «Astana medısınalyq ýnıversıteti» AQ-da bas maman, 2010-2013 jyldary Astana qalalyq jedel járdem stansasynda bas dáriger, 2013-2015 jyldary «Almaty» sanatorııi» AQ basshysy, 2015 jyldan beri Almaty qalasynda balalar juqpaly aýrýlar aýrýhanasynyń bas dárigeri bolyp qyzmet atqardy.
Qanat Dúısenbaıulynyń emdeý isinde, densaýlyq saqtaý salasynda, basqarýshylyq jumysta is-tájirıbesi, uıymdastyrýshylyq qabileti bar. Osyǵan oraı oblys ákimi Altaı Kólginov jańa basshyǵa naqty tapsyrma júktedi.
«Elbasy Nursultan Ábishuly Nazarbaevtyń densaýlyq saqtaý salasyn damytý, salaýatty ómir saltyn qalyptastyrý baǵytynda naqty tapsyrmalar bergeni málim. О́tken jyly oblysta 215 áleýmettik nysan kúrdeli jóndelse, sonyń deni – densaýlyq saqtaý mekemeleri. Ásirese, aýdandarda aýrýhanalar men medısınalyq pýnktterdi jańartý jumystary júrgizildi. Qalalyq kóp beıindi aýrýhana ashyldy. Jedel járdem stansalaryna, alys eldi mekenderge arnaıy kólikter alyndy. Mundaı jumystar bıyl da jalǵasady. Elbasynyń sheshimimen jaqynda Densaýlyq saqtaý mınıstrligi qaıta quryldy. Memleket tarapynan barynsha qoldaý jasalýda. Sondyqtan óńirde osy salanyń jumysyn uıymdastyra bilý qajet», – dedi óńir basshysy.
