Qazaqstanda sizdi qalaı qarsy aldy? «Astanadan» qandaı oıyn kútesiz?
Astanada bizdi jaqsy qarsy aldy. Qazaq halqynyń qonaqjaı halyq ekenin o bastan biletn edim. SOndyqtan bul bizge jańalyq bolmady. Degenmen, match kezinde jaǵdaıymyzdy qıyndatý úshin baryn salatynyn da jaqsy bilemiz. Bul fýtbolda qalypty jaǵdaı. Sebebi, jasyl alańda dostyq bolmaıdy
Jasandy alańda oıyn nátıjesine áser ete me? Biz Polsha quramasynyń bul stadıonda teń oınaǵanyn jaqsy bilemiz.
Polshada ózimzdiń oıyndar boldy. Sondyqtan mundaı alańda tolyqqandy daıyndalyp úlgermedik. Belgili bir deńgeıde áser etetini belgili. Biraq bul problemany sheshýge tyrysamyz. Erteńge deıin ýaqyt bar.
«Astana» óz alańynda sońǵy úsh jylda on úsh oıyn qatarynan eshkimge ese bermeı kele jatqanyn bilemiz. Osyǵan baılanysty qandaı pikir bildiresiz?
Bul týraly árıne bilemiz. Degenmen, qazirgi basty maqsatymyz – eki oıynnyń nátıjesi boıynsha kelesi irikteý kezeńine ótý.
«Legııa» ishki birinshilikte «Korona» komandasyna qarsy teń oınady. Bul Chempıondar lıgasy aıasyndaǵy mańyzdy oıyn aldynda komandaǵa keri áserin tıgizbedi me?
Árıne, biz basqasha oıyn kútkenbiz. Biraq fýtbolda bári múmkin. Degenmen, bul oıynda jibergen qatelikterimizdi «Astanaǵa» qarsy oıynda qaıtalamaımyz dep úmittenemin.
«Astanadan» qandaı oıyn kútesiz? Elordalyq ujymnan qaı oıynshyny atap ótersiz?
Shynymdy aıtsam, «Astanadan» kóp eshkimdi bilmeımin. Men Maevskııdi syrttaı tanıtynym bar. Bizdiń sarapshy mamandarymyz «Astana» týraly arnaıy materıal ázirledi. Erteń oıyn aldynda osyǵan baılanysty fýtbolshylaryma tıisti nusqaýlar beremin.
О́tken jylǵy «Realǵa» qarsy oıynnyń nátıjesi erteńgi matchta «Legııa» oıyndaryna qosymsha kúsh berýi múmkin be?
Árıne, ol oıyn esimizde. Ol matchqa jetý úshin biz chempıon atanýymyz kerek boldy. Árıne ol ótkenniń enshisinde qaldy. Endi erteńgi oıyndy oılaýymyz kerek.
«Astanaǵa» ádettegideı 18 oıynshy 22 shákirtińizdi ertip keldińiz. Oǵan ne sebep?
Biz halyqaralyq oıyndarǵa ylǵı da kóbirek oıynshy ákelýdi jón kóremiz. Astana Varshavadan óte alys. Keıbir oıynshylarymyz mańyzdy sátte ózin jaısyz sezinip qalýy múmkin. Biz barlyǵyna jan-jaqty daıyn bolýymyz kerek. «Legııa» sapynda áli oınamaǵan oıynshylar bar. Erteń olardy qoldanýymyz múmkin. Sondaı-aq, bul oıynǵa eki taktıka qoldanýdy josparladyq. Qaı ádisti qoldanatymyz belgili bolady.
«Astana» bapkeri «Legııadan» ótý múmkindigin bes paıyzǵa baǵalady. Al siz óz komandańyzdy qansha paıyzǵa baǵalaısyz?
Men úshin 50-50. Sebebi, eki oıyn ótedi. Stanımır Stoılov myrza bes paıyz degenmen basqa nátıjeni kútýi múmkin. Biz Madrıdtiń «Realyna» qarsy oıynda jeńý múmkindgimizdi nebári bir paıyzǵa baǵalanǵanbyz. Biraq sońynda qandaı nátıjemen aıaqtalǵanyn kórdińizder.
Aıan ÁBDÝÁLI,
«Egemen Qazaqstan»
