Jahansha Dosmuhameduly ómiriniń sońǵy jyldary Máskeýde ótkeni málim. 1938 jyly 1 maýsymda sońǵy ret tutqyndalǵan kezde Jahanshanyń otbasy quramynda áıeli Olga Konstantınovna Dosmuhamedova, enesi Olga Fedorovna Pýshkareva, nemere inisi Qades Dosmuhamedov bolǵan eken. Qades – Jahanshanyń nemere týysy О́ldánniń balasy, óz balasy bolmaǵan soń Olga men Jahansha Qadesti baýyryna basqan.
– Kilemniń tarıhyna keletin bolsaq, ony Olga Konstantınovna 1964 jyly Qanıpa Sháripqyzyna óz qolymen syılapty. Shejirege kóz salsaq, Sultan atamyzdan eki ul – Dosmuhamed pen Izmuhambet taraǵan. Dosmuhamedten Qabas pen Jahansha týsa, Izmuhambetten О́ldán men Shárip taraǵan. Sháripten týǵan Qanıpa apamyz da Jahanshanyń tárbıesinde bolyp, qaryndasy sanalyp ketken, – deıdi Jympıtydaǵy Syrym Datuly atyndaǵy mýzeı meńgerýshisi Aınagúl Oıshybaeva.
Jahansha Dosmuhameduly taǵy bir qazaqtyń marǵasqa tulǵasy Turar Rysqulovpen týǵan baja bolǵan. Jahanshanyń Máskeýde páterli bolýyna da osy Turardyń yqpaly bolsa kerek. Aınagúl Oıshybaevanyń aıtýyna qaraǵanda, Jahanshanyń Máskeýdegi páterinde qazaqtyń talaı-talaı aıtýly tulǵalary jıi bas qosyp otyrǵan eken. Endeshe bul kilemde talaı tulǵanyń tabanynyń taby qalǵan desek qate bolmas.
Aıta keteıik, Olga Konstantınovna uzaq ómir súrip, 1986 jyly jeltoqsanda qaıtys bolǵan. О́le-ólgenshe Jympıtymen qatynasy úzilmegen, eriniń týystarymen aralasyp turǵan. Jahanshanyń kóptegen otbasylyq sýretteri dál osy Olga anamyzdyń saqtaýymen búginge jetti.
Qazbek QUTTYMURATULY,
«Egemen Qazaqstan»
Batys Qazaqstan oblysy
