Úkimet otyrysynda 2018 jylǵy sý tasqyny kezeńine daıyndyq týraly Aqmola oblysy ákimi M. Myrzalın, Qyzylorda oblysy ákimi — Q. Kósherbaev, Soltústik Qazaqstan oblysy ákimi — Q. Aqsaqalov, Almaty oblysy ákimi — A. Batalov, Shyǵys Qazaqstan oblysy ákimi — D. Ahmetov, Qaraǵandy oblysy ákimi — E. Qoshanov, Qostanaı oblysy ákimi — A. Muhambetov, Ońtústik Qazaqstan oblysy ákimi — J. Túımebaev baıandady.
Máseleni qaraý qorytyndysy boıynsha QR Premer-Mınıstri Baqytjan Saǵyntaev Premer-Mınıstrdiń birinshi orynbasary Asqar Mamınge Jol kartasyn jalpy úılestirýdi jáne iske asyrýdy, aýyl sharýashylyǵy mınıstri О́mirzaq Shókeevke tasqyn sý men erigen qar sýyn jınaý jáne bólistirý boıynsha Jospardyń oryndalýyn baqylaýda ustaýdy tapsyrdy.
QR Premer-Mınıstri Baqytjan Saǵyntaev Memleket basshysynyń jańa sý qoımalaryn salý boıynsha tapsyrmalaryn oryndaý, sondaı-aq sý tasqyny qaýpin joıý boıynsha úlken jumys kútip turǵanyn atap ótti. Budan ózge, Baqytjan Saǵyntaev sý basý qaýpi bar aımaqtardan turǵyndardy kóshirý baǵdarlamasynyń jobasyn ázirleýdi tapsyrdy.
Baqytjan Saǵyntaev sondaı-aq sý tasqyny qaýpiniń aldyn alý jáne joıý boıynsha oblys ákimderine júktelgen zor jaýapkershilik týraly eske saldy.
