Foto: teenlife.com
Konkýrsty ótkizýdiń maqsaty - joǵary bilikti zańgerlerdiń qoǵamnyń jáne memlekettiń aldynda sińirgen eńbegin moıyndaý, Qazaqstannyń quqyqtyq saladaǵy tıimdi mamandarynyń pýlyn qalyptastyrý bolyp tabylady.
Konkýrstyń mindetteri quqyqtaný salasyndaǵy jas qazaqstandyqtardy anyqtaý jáne qoldaý, atalǵan mamandyqtyń bedelin nyǵaıtý, onyń qoǵamdaǵy mańyzdylyǵyn kórsetý bolyp tabylady.
Konkýrs úsh nomınasııa boıynsha júrgiziledi:
- Zań ǵylymyna qosqan úlesi;
- Zań shyǵarý qyzmetine qatysýy;
- Quqyqtyq bilim berý jáne aǵartýshylyq.
Konkýrsqa qatysý úshin ótinim berý merzimi - 2018 jylǵy 1 naýryzdan bastap 1 shildege deıin.
Konkýrstyń jeńimpazdaryn marapattaý rásimi 2018 jylǵy 28 tamyzda, Astana qalasy, Á.Bókeıhan kóshesi 1, Nazarbaev Ortalyǵynda ótedi.
Konkýrstyń uıymdastyrýshysy Qazaqstan Respýblıkasy Tuńǵysh Prezıdenti - Elbasynyń Qory (budan ári - Uıymdastyrýshy) bolyp tabylady. Konkýrsty ótkizýdiń áriptesteri: QR Konstıtýsııalyq keńesi, QR Joǵarǵy Soty, QR Ádilet mınıstrligi, QR Bilim jáne ǵylym mınıstrligi, Ál-Farabı atyndaǵy Qazaq ulttyq ýnıversıteti, L.N.Gýmılev atyndaǵy Eýrazııalyq ulttyq ýnıversıteti, QAZMZÝ ýnıversıteti, Qazaqstan zańgerleriniń odaǵy jáne Qazaqstannyń krımınologııa qaýymdastyǵy.
Konkýrsqa qatysý úshin 18 ben 40 jas aralyǵyndaǵy qatysýshylardyń qazaq jáne/nemese orys tilindegi ótinimderi qabyldanady.
Qatysýshy tek bir nomınasııa boıynsha qatysýǵa quqyly.
Konkýrsqa qatysý úshin nomınasııa uıymnyń nemese tulǵanyń ózin-ózi usynýy arqyly júzege asyrylady.
О́tinimde kórsetilýi tıis málimetter:
1) Úmitkerdiń aty-jóni
2) Bilimi
3) Ǵylymı dárejesi jáne basqa da ataǵy
4) Konkýrstyń nomınasııasy
5) Jumys tájirıbesi
6) Jetistikteri jáne ózge de sińirgen qyzmeti
7) Qatysýdyń qysqasha negizdemesi
8) Poshtalyq mekenjaıy
9) Baılanys málimetteri: telefon, elektrondyq poshta
О́tinimge biliktiligin jáne sińirgen eńbegin rastaıtyn qujattar jáne ózge de materıaldar qosa beriledi: pikirler, resenzııalar, dıplomdar, nagradalar, patentter, basylymdar, usynymdar jáne basqa da qujattar.
О́tinimderdi baǵalaý jáne Konkýrstyń jeńimpazdaryn anyqtaýdy Qazaqstannyń belgili zańgerleri, sondaı-aq Uıymdastyrýshy men Konkýrstyń áriptesteri arasynan qurylatyn konkýrstyq qazylar alqasy júzege asyrady.
Barlyq nomınasııalar boıynsha Konkýrstyń jeńimpazdaryna «Úzdik jas zańger – 2018» ataǵy beriledi (nomınasııaǵa baılanysty), sondaı-aq tós belgi, dıplom jáne aqshalaı syılyq beriledi.
О́tinim Astana qalasy, Á. Bókeıhan kóshesi 1, Qazaqstan Respýblıkasy Tuńǵysh Prezıdenti - Elbasynyń Qory mekenjaıy boıynsha poshta arqyly jiberiledi, sondaı-aq yurist2018@fpp.kz elektrondyq poshta arqyly jiberýge bolady.
Konkýrstyń erejelerin www.fpp.kz saıtynda tabýǵa bolady.
