Týrnırge 30 elden kelgen 100 tennısshi qatysady. Olardyń ishinde álemdik reıtıngkte TOP 100 qataryna enetin sportshylar da bar. Al Qazaqstan atynan saıysqa Tımýr Habıbýllın, Denıs Evseev, Roman Hasanov, Gózel Aınetdınova, Anna Danılına jáne Jibek Qulambaevalar túsedi. Jarysqa qatysyp bastaǵan Dmıtrıı Popko bolsa jaraqatyna baılanysty belorýs Dmıtrıı Jırmontqa qarsy kezdesýge shyǵa almady.
Dástúrli jarys aldynda Qazaqstan tennıs federasııasynyń vıse-prezıdenti Dıas Dosqaraevtyń da pikirin bile kettik.
- О́zderińiz baıqaǵandaı, bul joly jarysymyzdyń júlde qory kóbeıip otyr. Myqty tennısshilerdi shaqyryp, joǵarǵy deńgeıdegi tennıs saıysyn uıymdastyrý úshin osyndaı qadamdarǵa baryp otyrmyz. «Prezıdent kýbogi» jarysy jyl saıyn damyp keledi. Túbinde biz bul jarysty ATR TOUR sanatyna kirgizip, abyroıyn odan ári kótermekshimiz. Sol úshin de qazirden bastap áreket jasaýdamyz. Al Dmıtrıı Popkoǵa keletin bolsaq, onyń jaraqaty burynnan meńdep júrgen. Tipti ol Horvatııa – Qazaqstan kezdeýi kezinde de jaraqaty bolǵan. Endi oǵan ota jasalyp, birshama ýaqyt emdelýi tıis.
Ermuhamed Máýlen,
«Egemen Qazaqstan»
