Kesh barysynda Almaty qalasynyń ákimi Baýyrjan Baıbek Elbasy Nursultan Nazarbaevtyń quttyqtaý hatyn oqydy. Odan keıin Qasym Qaısenovtiń ómiri týraly derekti beınefılm kórsetildi. Maǵynaly, mazmundy ótken keshte Farhad Kóbeev, Andreı Tregýbenko, Talǵat Ábýǵazy, Baqytgúl Beısenbaeva, Darhan Joldybaev syndy belgili óner sheberleri qatysty, sondaı-aq «Otyrar sazy» memlekettik akademııalyq folklorlyq-etnografııalyq orkestriniń súıemeldeýimen ánder shyrqalyp, kúıler tartyldy.
Kesh kompozısııasy Qasym Qaısenovtiń tirshiliginde túsirilgen beınejazbasyna quryldy. Poetıkalyq-mýzykalyq kesh Almaty oblystyq Beken Rımova atyndaǵy drama teatrynyń Qasym Qaısenov týraly «Jumaq maǵan buıyrmas...» spektakliniń «Qasymnyń monologi» úzindisine oraılastyrylǵan Nurǵısa Tilendıevtiń «Kógershinder» ánimen aıaqtaldy.
«Egemen-aqparat»
