Onlaın-daýys berýdiń jáne Astana qalasy ákimdiginiń janyndaǵy «Eńbek joly» konkýrsynyń jeńimpazdaryn anyqtaý jónindegi komıssııa sheshiminiń qorytyndysy boıynsha «Eńbek joly» konkýrsynyń «Úzdik eńbek áýleti» atalymynda birinshi oryndy Rahımberlınder áýleti ıelendi. Áýlettiń úlkeni Dıdar Álimqyzy №34 orta mekteptiń dırektory, osy kúnge deıin mekteptiń deńgeıin kóterip, tárbıeli de bilikti, jaýapkershiligi joǵary, basqarý teorııasyn jaqsy meńgergen, ujymdy basqarý qabileti joǵary qyzmetker. Eńbek jolynda qol jetkizgen tabystary úshin kóptegen alǵys hattarmen, qurmet gramotalary jáne sertıfıkattarmen marapattalǵan. Atap aıtqanda, 2016 jyly «Jyldyń úzdik muǵalimi» atanǵan. Rahımberlınder áýletiniń jalpy pedagogıkalyq eńbek ótili – 136 jyl. Áýlette barlyǵy 5 pedagog bar. Olardyń barlyǵy elimizdiń ár oblystarynda jalpy bilim beretin mektepterinde muǵalimdik qyzmet atqarǵan jáne áli de atqaryp keledi. Al júldeli ekinshi oryndy Súleımenovter áýleti ıelendi. Áýlettiń basshysy Jeksenbaı Súleımenov – elektrlendirý jáne energetıka kafedrasynyń Ortalyq elektrotehnıkalyq zerthanasynyń basshysy, qurmetti temirjolshy. Temir jol salasyna óz úlesin otbasynyń 15 múshesi qosyp otyr. Áýlettiń jalpy eńbek ótili – 345 jyl. Jeńimpazdardy anyqtaý jónindegi komıssııa sheshimimen úshinshi oryn Golsvart áýletine buıyrdy. Áýlettiń basshysy Aleksandr Golsvart «Astana – Energııa» AQ TES-2 bas ınjenerdiń orynbasary. Sonymen qatar atalǵan kásiporynda jubaıy, uly men kelini de eńbek etedi. Áýlettiń jalpy eńbek ótili – 112 jyl.
Aıta ketetin taǵy bir jaıt, «Jumys isteıtin jastardyń úzdik tálimgeri» atalymy boıynsha Sáýle Kenjetaıqyzy úzdik dep tanyldy. Ol «Bıkom-ınjınırıng» JShS-te bas sáýletshi bolyp jumys isteıdi. Ekinshi oryndy «Astana – Energııa» AQ hımııa sehynyń aýysym bastyǵy Tatıana Gennadııqyzy ıelense, úshinshi orynǵa «Elektrovoz qurastyrý zaýyty» JShS jınaqtaý sehynyń sheberi Ertaı Berdibaıuly laıyq dep tanyldy.
Sonymen qatar «О́ndiristiń úzdik jas mamany» atalymy boıynsha birinshi oryndy Astana qalasy ákimdiginiń Halyqty jumyspen qamtý ortalyǵy» KMM-de «Baspasóz qyzmeti bóliminiń» basshysy Danııar Baıjanov, ekinshi oryndy «ORKEN» kásibı oqytý ortalyǵynyń basshysy Janbolat Ahmetov jáne úshinshi oryndy Nursultan Nazarbaev Halyqaralyq áýejaıynda personal jónindegi jáne áskerı esepke alý mamany Shahrızat Qanatqyzy ıelendi.
Bıyl jańa atalym retinde «Kórermender kózaıymy» engizilgen eken. Bul atalymǵa Astana qalasynyń bas onkologi, «Astana medısınalyq ýnıversıteti» AQ Dırektorlar keńesiniń múshesi, Astana qalasynyń onkologteri men radıologteri qoǵamynyń tóraǵasy Muhtar Tóleýtaev laıyq dep tanyldy.
Raýan QAIDAR,
«Egemen Qazaqstan»
