Jýrnalıstiń ólimi týraly áleýmettik jelide áriptesteri habarlady. Olardyń aıtýynsha, tilshiniń sońynda úsh uly men bir qyzy qalǵan.
«Búgin áriptesimiz ári jaqyn aralasqan dosymyz Irına Beketovadan aıyrylyp qaldyq. Artynda ańyrap úsh uly jáne bir qyzy qaldy. О́kinishtisi, Ira áli jas edi, balalary qanattanbaǵan sary aýyz balapan sekildi tym kishkentaı, tula boıy tuńǵyshy О́mirzaq bolsa, múgedek, Aqylbegi endi ǵana ekinshi synypqa kóshti, Jansaıasy men Janbolaty endi úshten asqan, balabaqshada», - dep jazady Irınanyń áriptesteriniń biri.
Kóp keshikpeı Astananyń quqyq qorǵaýshylary kúdiktiniń anyqtalǵanyn málim etti. «Astana qalasynyń quqyq qorǵaýshylary 34 jastaǵy qala turǵynyn sezikti retinde anyqtady. Ol kisi ólimine ákep soqqan, qasaqana túrde aýyr dene jaraqatyn salý kúdigine ilinip otyr. Kúdiktini qolǵa túsirý úshin barlyq sharalar júrgizilip, qajetti saraptama jumystary taǵaıyndaldy. Qazirgi tańda sotqa deıingi tergeý amaldary júrgizilip jatyr», - delingen habarlamada.
