2018 jyly qazannyń 22-nen 24-ne deıingi aralyqta Abaı qalasynda 12 adam medısınalyq kómekke júgindi, onyń ishinde 8-i aýrýhanaǵa jatqyzylǵan, zardap shekkender qatarynda bir bala bar.
Qaraǵandy oblysy Qoǵamdyq densaýlyq saqtaý departamentiniń aqparatynsha, zardap shekkenderge «О́tkir ishek-qurylysy ınfeksııasy» dıagnozy qoıyldy. Medısınalyq kómekke júgingen qala turǵyndarynyń barlyǵy aýyrar aldynda jergilikti dónerhanada tamaqtanǵan.
Ishek-qurylysy ınfeksııasynyń ári qaraı taralyp ketpeýi maqsatynda jáne jaǵdaıdy turaqtandyrý úshin dónerhanada jospardan tys tekseris júrgizilip, azyq-túlik ónimderinen, qorshaǵan ortadan jáne sýdan synamalar alynyp, zerthanaǵa jiberildi. Sonymen qatar dámhananyń qyzmetkeri de patogendi mıkroorta tasymaldaýshysy bolýy múmkindigi tekserildi. Nátıjesinde sanıtarlyq-epıdemııaǵa qarsy sharalar ótkizý jáne dónerhana qyzmetkerin ýaqytsha jumysynan alshaqtatý týraly qaýly shyǵaryldy. Sondaı-aq, qarym-qatynasta bolǵan tulǵalar anyqtaldy. Qazirgi tańda olardy jergilikti emhanalardaǵy ýchaskelik dárigerler baqylaýda.
Sanıtarlyq qyzmet mamandary Abaı aýdanynyń ákimdigine, Prokýratýraǵa, TJ basqarmasyna, IIB-ge turǵyndar arasynda jappaı dertke shaldyǵý deregin tirkeý jóninde aqparattyq hattar joldady. Epıdemııaǵa qarsy sharalar jalǵasýda. Atalmysh másele Qaraǵandy oblysynyń Qoǵamdyq densaýlyq saqtaý departamentiniń baqylaýynda.
