Kezdesý barysynda taraptar saıası, ekonomıkalyq jáne saýda yntymaqtastyǵynyń jaı-kúıi men perspektıvalaryn, ǵylym men bilim berý salasyndaǵy ózara árekettestikti, sondaı-aq quqyqtyq bazany keńeıtýdi talqylap, halyqaralyq kún tártibindegi ózekti máseleler boıynsha pikir almasty.
R. Mhaýle Qazaqstannyń 2017-2018 jyldardaǵy BUU Qaýipsizdik Keńesiniń turaqty emes múshesi retinde tabysty jumysyn atap ótti. Ońtústik Afrıka delegasııasy Afrıkadaǵy beıbitshilik pen qaýipsizdikti qoldaý, terrorızmge, ıadrolyq qarýdy taratpaýǵa jáne ornyqty damýǵa qarsy turýǵa baǵyttalǵan elimizdiń qyzmetin joǵary baǵalady.
О́z kezeginde, E. Ashyqbaev Ońtústik Afrıkany 2019-2020 jyldardaǵy BUU Qaýipsizdik Keńesiniń turaqty emes múshesi retinde saılanýymen quttyqtady. BUU jáne basqa da halyqaralyq uıymdar aıasyndaǵy jemisti yntymaqtastyqqa úmit bildirdi.
E. Ashyqbaev Syrtqy ister mınıstri Qaırat Ábdirahmanovtyń Ońtústik Afrıkanyń Halyqaralyq qatynastar jáne yntymaqtastyq mınıstri Lındıve Sısýlýdyń atyna Astanaǵa saparmen kelýge jeke shaqyrýyn tapsyrdy. Taraptar Ońtústik Afrıka syrtqy saıası vedomstvosy basshysynyń Qazaqstanǵa sapary eki jaqty qatynastardyń jan-jaqty damýyna serpin beretinine senim bildirdi.
Konsýltasııalardyń qorytyndysy boıynsha delegasııalar basshylary memleketaralyq qatynastardyń barlyq salalarynda yntymaqtastyqty damytýdyń joǵary áleýetin atap ótti. Taraptar eki eldiń syrtqy saıası vedomstvolarynyń eki jaqty baılanystardy keńeıtý men tereńdetý jáne halyqaralyq qurylymdar sheńberindegi ózara is-qımyldy nyǵaıtý múddesinde kúsh-jigerdi úılestirý boıynsha atqarǵan jumystyń mańyzdylyǵyn atap ótti.
Kezdesý qorytyndysy boıynsha Qazaqstan Respýblıkasy men Ońtústik Afrıka Respýblıkasy arasyndaǵy eki jaqty saıası konsýltasııalardyń 6-shy otyrysynyń hattamasyna qol qoıylyp, QR Syrtqy ister mınıstrligi janyndaǵy konsýltasııalardyń kelesi raýndyn ótkizý týraly kelisimge qol jetkizildi. Is-sharanyń ótkizilý merzimi dıplomatııalyq arnalar arqyly anyqtalady
