Qazaqstandyq bir top jýrnalıster Brıýsselge Eýropalyq Odaq ınstıtýttarynyń jumysymen, EO-nyń Ortalyq Azııa boıynsha strategııasyn jańartý prosesimen tanysý úshin jáne «Eýropalyq Odaq – Ortalyq Azııa» mınıstrlik konferensııasyna qatysý úshin Eýroodaq alǵash ret uıymdastyrǵan baspasóz týrymen kelgen.
Brıfıng barysynda syrtqy saıası vedomstvonyń basshysy «Eýropalyq Odaq – Ortalyq Azııa» konferensııasynyń jáne is-shara aıasynda ótken ekijaqty kezdesýlerdiń qorytyndysy, óńiraralyq áriptestiktiń jańa strategııasynyń jobasyna usynylǵan qazaqstandyq taraptyń usynystary jáne jalpy Qazaqstan men Eýroodaq qarym-qatynasy damýynyń keleshegi týraly áńgimeledi.
Qoǵamdaǵy ózekti máselelerdi aıshyqtaý jáne qazaqstandyq medıa segmentiniń básekege qabilettiligin arttyrý úshin eýropalyq BAQ-tarmen úzdiksiz tájirıbe almasý jáne baılanystardy nyǵaıtý, qoǵammen baılanystyń aldyńǵy qatarly tehnologııalaryn jáne qazirgi zamanǵy ádisterin úırenýdiń mańyzdylyǵy atap ótildi.
Sondaı-aq, qoǵamdyq dıplomatııany júzege asyrý men halyqtardy jaqyndastyrýdaǵy BAQ-tyń mańyzdy róline erekshe nazar aýdaryldy.
Kezdesý qorytyndysy boıynsha QR SIM basshysy qatysýshylarǵa kásibı tabys tilep, Eýroodaq pen Ortalyq Azııa arasyndaǵy kópjaqty jáne ekijaqty áriptestik aıasynda usynylatyn eki tarap BAQ-tarynyń seriktestik boıynsha quraldaryn belsendi qoldanýǵa shaqyrdy.
