Iste nátıjelilikke qol jetkizý úshin quzyrly memlekettik organdarmen yntymaqtastyq týraly memorandýmdarǵa, sharttar men kelisimderge qol qoıylǵan. Ortalyq jumysyn bastaǵaly Aqtaý, Jańaózen qalalarynyń pedagog-psıhologtaryna áleýmettik psıhologııalyq kómekti qajet etetin jasóspirimdermen jumys jasaý ádis-tásilderi týraly trenıngter ótkizilip, jasóspirimdermen kommýnıkatıvti daǵdyny qalyptastyrýdy jaqsartý maqsatynda mektepterdiń tárbıe jónindegi orynbasarlarmen trenıngter uıymdastyryldy. Balalarmen ótkizilgen trenıngterdegi ár túrli oıyndarda stresske tózimdilikti arttyrýǵa kóp mán beriledi, atap aıtqanda ortalyqta zańmen baılanysqan ıaǵnı, isti bolǵan jasóspirimder men olardyń ata-analaryna qajetti keńester berilip, trenıngter ótkiziledi.
Ortalyq aıasynda qyzmet júrgizetin «Pravo» qoǵamdyq qorynyń mańyzy zor. Balalarǵa durys jol tańdaýǵa kómektesý, el azamaty bolýǵa úıretý, baǵyt-baǵdar berý jáne keıbir jaǵdaıda ata-ana tarapynan ala almaǵan qamqorlyqty, kómekti berý maqsatyndaǵy qor 9-18 jas aralyǵyndaǵy jasóspirimdermen jumys jasaıdy. Ár balanyń psıhologııalyq portretin jasaý, januıa jaǵdaıyn anyqtaý jáne oǵan kómektesý joldaryn anyqtaý bolyp tabylady. Sonymen qatar, ortalyq qyzmetimen IID-de esepte turǵan, qylmys jasaýǵa beıim balalar da qamtylǵan. Ortalyqta psıhologııalyq, quqyqtyq kómek kórsetýmen qatar, olardyń bos ýaqyttaryn tıimdi ótkizýge jaǵdaı jasalǵan. Án aıtýǵa, sýret salýǵa úıretý, til úıretý, t.b. úıirmeler jumys jasaıtyn bolady.
- Bala –on segizge tolmaǵan adam. Balanyń óz quqyqtary men zańdy múddeleriniń qorǵalýyna quqyǵy bar. Olardyń quqyqtaryn qorǵaý jónindegi fýnksııalardy júzege asyratyn uıymdar – bul balalardy áleýmettik qorǵaýdy, áleýmettik turmystyq, medısınalyq, áleýmettik-pedagogıkalyq, psıhologııalyq-peladagogıkalyq, quqyqtyq qyzmetter kórsetýmen materıaldyq kómek kórseteýdi, ómirde qıyn ahýalǵa tap bolǵan balalardy qoldaýdy júzege asyrady, deıdi ortalyq psıhology D.Nazarova.
Ortalyqta áleýmettik pedagog, zańger, teolog pen úıirme jetekshileri Úkimettiń jáne jergilikti atqarýshy organdardyń qoldaýymen jas urpaq tárbıesine atsalysyp keledi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
