Elbasy Nursultan Nazarbaevtyń Jarlyǵymen Q.Qaısenov «Halyq qaharmany» ataǵyn aldy.
- Bala kezimizden atamyzdyń erligin kınolardan kórip óstik. Bul týraly «Qazaqstan» ulttyq telearnasynda «Qasym» atty kıno kórsetildi. Bıyl da 100 jyldyq mereıtoıyna oraı Qasym Qaısenov týraly e-history.kz saıtynda maqalalar jarııalandy. Atamyzdyń 1918 jylǵy 23 sáýir Qazirgi Shyǵys Qazaqstan oblysy Ulan aýdany, Asýbulaq aýylynda ómirge kelgeni belgili, -deıdi oblystyq «Saryarqa samaly» gazetiniń redaktory Nurbol Jaıyqbaev.
Sodan О́skemendegi Kommýnıstik saıası-aǵartý (Kompolıtprosvet) tehnıkýmyn bitiredi. Saıası-aǵartý qyzmetkerler kýrsynyń meńgerýshisi bolady. 1939 jylǵy 16 sáýir kúni Qazaq SSR Halyq aǵartý komıssarıatynyń buıryǵymen Pavlodar oblysyna jiberiledi. Oblystyq bilim basqarmasynyń saıası-aǵartý jumysy jónindegi ınspektory bolyp taǵaıyndalady.
Jýrnalıst Nurbol Jaıyqbaevtyń aıtýynsha, Qasym atamyz «Darhan daryn» atty esteliginde aqyn Qabdykárim Ydyrysov jaıly ol shyn máninde tabıǵatynda ánshi edi. Birde babynda otyrǵanda «Qorlanǵa» basty. Tyńdap otyryp, jan-dúnıem egilip, kózime jas tolyp ketti. Estaı atanyń bul ánin 1939 jyly poıyzdyń júk tasıtyn vagonynda onyń jıeni О́mirbaev Hamzanyń aýzynan estigen edim. Hamza Estaı atanyń qaryndasynan týǵan jalǵyz ul edi. Ol aqyn, oıly, parasatty jigit edi. Ekeýmiz 1939 jyldyń basynda Kerekýden Fın soǵysyna, armııa qataryna alynyp, maıdanǵa attanyp bara jatqan kezimiz edi...» dep jazypty.
Al, qazirgi oblystyq Qorǵanys isteri jónindegi departamenti «1918 jyly 23 sáýirde týǵan Qasym Qaısenov Pavlodar oblysy jergilikti áskerı basqarma organdarynyń eseptik-muraǵattyq málimetteri boıynsha esepte joq» dep jaýap beripti.
- Qasym Qaısenovtiń ómirine qatysty bul derekti naqtylaý qajet emes dep pikir aıtýshylar da tabylar. Biraq, biz Qasym atamyzdyń ómirine qatysty osy bir naqty derektiń anyqtalýyn kútemiz. Biletinder bolsa, habarlasar degen oıdamyz. Derek anyqtalsa, 1939 jyly jaýyngerlerdi soǵysqa shyǵaryp salǵan bizdiń qaladaǵy eski temirjol perrony tusynda «Qasym Qaısenov osy jerden maıdanǵa attanǵan» dep eskertkish taqta ornatqymyz keledi, -deıdi Nurbol.
Farıda BYQAI,
«Egemen Qazaqstan»
PAVLODAR
