Qaýipsizdik sharalary qamtylýda

Beısenbi, 13 jeltoqsan 2012 7:13

Búginde elordadaǵy qylmystyq jaǵdaı turaqty qalpynda tur. Aldyn-ala qolǵa alynǵan sharalardyń ná­tıjesinde aýyr jáne asa aýyr, sonyń ishinde kisi óltirý, qaraqshylyq sııaq­ty qylmystar azaıdy. Jalpy, osy qylmystardyń 65 paıyzyn urlyq alyp otyr. Degenmen, ol urlyqtardyń materıaldyq shyǵyny az mólsherdi quraıdy. Qazirgi ýaqytta astanalyq polısııa qyzmetkerleri osy qylmystardy boldyrmaý maq­satynda túrli profılaktıkalyq ju­mystar júrgizýde. Bul týra­ly keshe qalalyq máslıhattyń besinshi shaqyrylymynyń kezekti on birinshi sessııasynda aıtyldy. Onda Astana qalasy ishki ister departamentiniń qoǵamdyq qaýipsizdikti nyǵaıtý jáne elordamyzdaǵy qyl­mys­ty boldyrmaýǵa qatysty profılaktıkalyq jumysty kúsheıtý máselesi qaraldy.

Beısenbi, 13 jeltoqsan 2012 7:13

Búginde elordadaǵy qylmystyq jaǵdaı turaqty qalpynda tur. Aldyn-ala qolǵa alynǵan sharalardyń ná­tıjesinde aýyr jáne asa aýyr, sonyń ishinde kisi óltirý, qaraqshylyq sııaq­ty qylmystar azaıdy. Jalpy, osy qylmystardyń 65 paıyzyn urlyq alyp otyr. Degenmen, ol urlyqtardyń materıaldyq shyǵyny az mólsherdi quraıdy. Qazirgi ýaqytta astanalyq polısııa qyzmetkerleri osy qylmystardy boldyrmaý maq­satynda túrli profılaktıkalyq ju­mystar júrgizýde. Bul týra­ly keshe qalalyq máslıhattyń besinshi shaqyrylymynyń kezekti on birinshi sessııasynda aıtyldy. Onda Astana qalasy ishki ister departamentiniń qoǵamdyq qaýipsizdikti nyǵaıtý jáne elordamyzdaǵy qyl­mys­ty boldyrmaýǵa qatysty profılaktıkalyq jumysty kúsheıtý máselesi qaraldy.

Qalalyq máslıhat sessııasynyń jumysynda Astana qalasynda qyl­­mystyń aldyn alý jáne pro­fı­laktıkalyq jumystardyń júr­gizilýin kúsheıtý men nyǵaıtý týraly elordalyq ishki ister depar­tamentiniń bastyǵy polısııa general-maıory Amantaı Áýbákirov esep berdi. Onyń sózine qaraǵanda, oryn alǵan qylmystardy jappaı tirkeýge baılanysty aryzdardyń kóptigine qaramastan jaǵdaı turaqty qalypta. Qylmyspen kúres pen ony boldyrmaýdyń aldyn-alý maqsatynda júrgiziletin profılaktıkalyq ju­­mystarmen qosa polısııa qyz­met­kerleriniń nazarynan basqa da salalar tys qalmaýda. Sonymen qatar qalaǵa kelýshi mıgranttardyń sany kúrt ósýine baılanysty olardyń zań buzýshylaryna qatysty tıisti sharalar qoldanylýda.
Ishki ister departamenti jumysynda basym baǵyt qoǵamdyq qaýipsizdik bóliminiń enshisinde. Memleket basshysy Nursultan Nazarbaevtyń tapsyrmasy boıynsha elordamyzda tazalyq pen tynyshtyqty saqtaý barysynda kóp jumys atqaryldy. Ústimizdegi jyldyń sáýir aıynan bastap qoǵamdyq qaýipsizdikke qarsy 44 myń ákimshilik quqyq buzýshylyq tirkelip, anyqtalǵan. Usaq buzaqylyq pen qoǵamdyq oryndarda qoqys tas­taý quqyq buzýshylyǵy boıynsha 106 adam ákimshilik qamaýǵa alyndy. Tıesili aımaqta ýaqytynda tazalaý jumystaryn júrgizbegeni úshin 110 PIK ákimshilik jaýapkershilikke tartyldy. Jolǵa qoqys tastaǵany úshin 17,5 myńnan astam júrgizýshige aıyppul salyndy.
Polısııa qyzmetkerleriniń qa­bilettiligi men áskerı daıyndyqtaryn arttyrý máselesi de nazardan tys qalǵan joq. Memleket basshysynyń Jarlyǵyna saı Ishki ister depar­tamentiniń barlyq jeke quramy kezekten tys attestattaýdan ótkizildi. Onyń qorytyndysy boıynsha óńirlik attes­tattaý komıssııasynyń sheshimimen 502 qyzmetker atqaryp otyrǵan qyzmetine saı emes dep tanyldy, 115 qyzmetker ishki ister qyzmetinen bosatyldy.
О́tkizilgen kezekten tys attestattaý bizge óz mamandyǵyna adal qyzmet etetin qyzmetkerlerdi tańdap alýǵa jol ashty ári qatarymyzdy bedelimizdi túsiretin qyzmetkerlerden tazartýǵa múmkindik berdi, deıdi Ishki ister departamentiniń bastyǵy.
Budan ári ol Astana qalasynda ótetin halyqaralyq kórmege toq­taldy. О́ıtkeni, Halyqaralyq EXPO – 2017 kórmesi bizdiń elimizde ótetin eń mańyzdy is-sharalardyń biri, oǵan daıyndyq saqadaı saı bolýy kerek. Is-sharada Astana qalasy IID polısııa qyzmetkerleriniń at­qaratyn jumystary kóp, kóshi-qon baqylaýy, kelgen qonaqtardyń já­ne belgilengen nysandarda tıisti qo­ǵam qa­­ýip­­siz­­­­­digin qamtamasyz etý polısııa qyz­­­metkerleriniń mindeti.
Baıandamany muqııat tyńdaǵan qatysýshylar ony talqyǵa salyp, óz oılaryn bildirdi. Elordalyq polısııa bastyǵy máslıhat depýtattary men qatysýshylardyń qoıǵan suraqtaryna jaýap berdi. Olardyń suraqtarynyń basym kópshiligi polısııa jumysy men qylmystyń aldyn alýǵa qatysty boldy. О́ıtkeni, aldynda ǵana depýtattar ishki ister departamenti men basqarmalaryn aralap, olarmen birge túngi reıdterge shyqqan edi. Halyq qalaýlylary polısııa qyzmetkerleriniń qandaı jaǵdaıda jumys atqaratyndyǵymen, sonymen qatar qoǵamdyq qaýipsizdik salasynda quqyq buzýshylyqty boldyrmaý jáne aldyn alý jumystaryn júrgizý kezinde paıdalanylatyn jańa tehnologııalarmen de tanysty.

Aleksandr TASBOLATOV,
«Egemen Qazaqstan».