«Jastar jylynyń saltanatty ashylýyn, elimizdiń astanasy – Nur-Sultan bolyp ózgerýin, eldegi bolyp jatqan barlyq ózgerister men jobalardy qoldaý maqsatynda marafon uıymdastyryp otyrmyz. Búgingi marafonǵa 800 bilimger jáne 200 tálimger qatysýda, – dedi ýnıversıtet rektory Erjan Ámirbekuly.
Marafon sońynda QR Tuńǵysh Prezıdenti saıabaǵynda «Jastar jylyna» arnalǵan «Bastaý» jınaǵynyń tusaýkeseri ótti. Atalǵan jınaqqa Taraz memlekettik pedogogıkalyq ýnıversıtetiniń belsendi jastary týraly málimet engizilgen. Sonymen qatar, jastardyń Jambyl óńirindegi tarıhı oryndarǵa tanymdyq, stýdenttik týrızm jobasynyń ashylý saltanaty uıymdastyryldy. Uıymdastyrýshylar bul jobany jasaı otyryp, Áýlıeata óńiriniń kıeli, qasıetti jerlerin jastarǵa aralatý arqyly jastardyń boıyna patrıottyq sezimdi oıatýdy maqsat etip otyrǵanyn aıtty. Marafonnan soń ýnıversıtettiń belsendi jastary Taraz qalasyndaǵy tarıhı oryndarǵa saıahat jasap, ary qaraı ortaǵasyrlyq Aqyrtas keshenine jol tartty.
Jambyl oblysy
