Almatydaǵy alqaly jıyn

Senbi, 1 qyrkúıek 2012 7:51

Ál-Farabı atyndaǵy qazaq ulttyq ýnıversıtetiniń jınalys zalynda Konstıtýsııa kúnine oraılastyrylǵan «Konstıtýsııa – qoǵam men memleketti áleýmettik jańǵyrtýdyń negizi» degen taqyrypta halyqaralyq ǵylymı-praktıkalyq konferensııa bolyp ótti.

Senbi, 1 qyrkúıek 2012 7:51

Ál-Farabı atyndaǵy qazaq ulttyq ýnıversıtetiniń jınalys zalynda Konstıtýsııa kúnine oraılastyrylǵan «Konstıtýsııa – qoǵam men memleketti áleýmettik jańǵyrtýdyń negizi» degen taqyrypta halyqaralyq ǵylymı-praktıkalyq konferensııa bolyp ótti.

Eýropa keńesiniń Quqyq ar­qy­ly demokratııa úshin eýro­pa­lyq komıssııasynyń prezıdenti, Eýropa keńesi Venesııa komıs­sııa­synyń múshesi, Eýropanyń saksondyq ádilet mınıstriniń orynbasary, TMD Ekono­mıka­lyq sotynyń tóraǵasy hatshy­ly­ǵynyń basshysy, Halyq­ara­lyq quqyqtyq yqpaldastyqtyń german qory Qazaqstan joba­sy­nyń ókili, Berlın Jeriniń Kons­tıtýsııalyq soty tóraǵasynyń oryn­basary, Avstrııa, Túrkııa, Ko­reıa, Germanııa, Reseı, Latvııa, Moldova, Belarýs, Lıtva, Ázer­baıjan, Grýzııa, Tájikstan, Ýk­raına memleketteriniń kons­tı­tý­sııalyq sottarynyń tóraǵalary bar jıyrmadan astam eldiń resmı ókili qatysqan bul jıynda memlekettiń negizgi zańy men adam quqyqtary, memleket­ter­diń konstıtýsııalyq damýy barysyna arnalǵan baıandamalar jasaldy.

Ǵylymı-praktıkalyq konferensııa jumysyna Kons­tıtý­sııa­lyq Keńes tóraǵasy Igor Rogov, Ádilet mınıstri Berik Imashev, Almaty qalasynyń ákimi Ahmetjan Esimov, atalmysh joǵary oqý ornynyń rektory, Ǵalymqaıyr Mutanov, Qazaq­stan Respýblıkasyndaǵy Adam quqyqtary jónindegi ýákil As­qar Shákirov, Qazaqstannyń bili­mi men ǵylymynyń ókilderi, úkimettik emes uıymdar men she­teldik qonaqtar qatysty. Alys-jaqyn shetelderden kelgen qo­naqtar men konferensııanyń qa­ty­sýshylaryn qala ákimi Ahmetjan Esimov quttyqtap, jyly lebizin bildirdi. Konstı­tý­sııa­lyq Keńes tóraǵasy Igor Rogov alǵashqy sózinde Kons­tı­tý­sııamyzdyń qabyldanǵan alǵash­qy kúnnen bastap taǵdyrdyń ózi, Táńirdiń baılamy bir shańy­raq­tyń astynda tatý kún keshýdi jaz­ǵan kópultty elimizdiń tatý­lyǵy men turaqtylyǵyna qyz­met ete otyryp, Táýelsiz Qazaq­stan memleketiniń qaryshtap damýyna, tolassyz ósýine kepil bolyp kele jatqan zańdar jıy­n­tyǵy, tipti, eń basty usta­ny­mymyz ben kıeli qaǵıdamyzǵa aınalǵandyǵyn basa atap ótti.

Qazaqstan Respýb­lıkasyn­da­ǵy Adam quqyqtary jónindegi ýákil Asqar Shákirov mode­ra­tor­lyq etken konferensııanyń al­ǵash­qy baıandamasyn «Qazirgi qo­ǵamda Konstıtýsııanyń aksıo­lo­gııalyq negizderin áleýmettik tur­ǵydan qabyldaý» degen taqy­rypta Armenııa Respýblıkasy Konstıtýsııalyq sotynyń tóra­ǵa­sy, Jańa demokratııa elderi­niń konstıtýsııalyq baqylaý organdary konferensııasynyń tó­ra­ǵasy Gagık Arýtıýnıan jasady. Qazaqstan halqy men ǵylymı-praktıkalyq konferensııa qo­naq­taryn Qazaqstan Respýb­lı­ka­synyń Konstıtýsııasy kúni­men quttyqtaı kele, ol elimiz­degi transformasııalyq konstı­tý­sıo­naldylyqty ornatýdyń ózin­dik jolynyń tańdalýy TMD elderi úshin aıtarlyqtaı úlgi bolǵanyn, Qazaq eli azamat­ta­ry­nyń Konstıtýsııanyń buljymaı saqtalýyn jáne Ata Zańǵa shek­siz qurmet tanytatyndyǵyn til­ge tıek etti. Elbasy N.Nazar­baevtyń Astana qalasynda ót­ken konferensııada «Iаdrolyq synaqtarǵa tyıym salýdan – ıadrolyq qarýsyz álemge» taqy­rybynda sóılegen sózderiniń mań­yzy men búgingi álemdegi qaýip-qaterlerdi tereń paıymdaý ekendigin atap aıtty. Ol adamzat qoldanysyndaǵy Konstıtýsııa uǵy­myn jan-jaqty talqylap, bel­gili bir tártippen órilgen zań­dar júıesiniń ózektiligin, mem­lekettiń árbir azamatyna, jalpy adamzatqa qyzmet etetin, quqyqtylyqty qatań saqtaıtyn zańdar qaǵıdatynyń damýy men aýqymdylyǵyna toqtaldy, son­daı-aq, ol Armenııa Respýblıkasy Konstıtýsııalyq sotynyń she­shimimen Qazaqstan Respýblıkasy Konstıtýsııalyq Keńesiniń tóraǵasy Igor Rogov myrzany Konstıtýsııa men ádilet salasyna qosqan úlesi men atqarǵan qyzmeti úshin Altyn juldyzǵa usynǵandyǵyn jetkizdi.

Tulǵanyń konstıtýsııalyq qu­qyqtary men bostandyqtary quqyqtyq memleket pen azamat­tyq qoǵamnyń ózara árekettesýi barysynda sottardyń Germanııa Konstıtýsııalyq sotyna ótinish jasaý tártibi týraly Halyq­aralyq yntymaqtastyq jónin­degi german qoǵamynyń «Orta­lyq Azııa elderindegi quqyqtyq jáne sot reformalaryn qoldaý» baǵdarlamasynyń Qazaqstandaǵy jáne Tájikstandaǵy joba je­tek­shisi Iorg Pýdelka baıandama jasady. О́z sózinde Germanııa ókili Qazaqstan Respýblıkasynyń Kons­tı­týsııasy qazaqstandyq qo­ǵam damýynyń qaýipsizdigi men turaqtylyǵynyń negizi eken­di­gine toqtaldy.

Sheteldik qonaqtardan keıin QR UǴA akademıgi, zań ǵylym­da­rynyń doktory, professor Sul­tan Sartaev, Almaty qalasynyń prokýrory Berik Asylov, atalmysh oqý ordasynyń ǵalym-us­tazdary Dáýlet Baıdildınov, Zaılaǵı Kenjalıev, Alýa Ibraeva, Serikqalı Tynybekovter já­ne elimizdiń ózge de oqý orda­la­rynyń ǵalymdary sóz kezegine ıe boldy. Konstıtýsııalyq Ke­ńes múshesi Ilııas Baqtybaev Ál-Farabı atyndaǵy kıeli qara sha­ńy­raqta ótken ǵylymı-prak­tı­ka­lyq konferensııany qorytyn­dylap, kelgen qonaqtarǵa alǵysy men rızashylyǵyn jetkizdi.

Qanat ESKENDIR,

«Egemen Qazaqstan».

ALMATY.

Sýretti túsirgen

Talǵatbek ASANOV.