1276 adam qyzmetten ketti
Juma, 28 qyrkúıek 2012 7:02
Attestattaý
Árbir besinshi qyzmetker synaqtan óte almady
Qarjy polısııasy organdarynyń aýmaqtyq attestasııalyq komıssııalary óz jumysyn aıaqtady. 17 aýmaqtyq komıssııada attestattaýdan Qarjy polısııasy akademııasy men aýmaqtyq departamentterdiń 2364 qatardaǵy qyzmetkeri ótti.
Juma, 28 qyrkúıek 2012 7:02
Attestattaý
Árbir besinshi qyzmetker synaqtan óte almady
Qarjy polısııasy organdarynyń aýmaqtyq attestasııalyq komıssııalary óz jumysyn aıaqtady. 17 aýmaqtyq komıssııada attestattaýdan Qarjy polısııasy akademııasy men aýmaqtyq departamentterdiń 2364 qatardaǵy qyzmetkeri ótti.
Atalǵan komıssııalarda attestattaýdan 2437 qyzmteker ótýi tıis bolatyn, alaıda 16 qyzmetker laýazymdarynan bosatý týraly baıanattar jazyp, attestattaýdan ótýden bas tartty, 3-i – áskerı-medısınalyq komıssııalarǵa qaralýǵa jiberildi, 26 qyzmetker ýaqytsha eńbek qabiletsizdigine baılanysty, 20-y – qyzmettik is-saparda bolýyna baılanysty, 4-i – kezekti eńbek demalysynda bolýyna baılanysty, 4-i – júktiligine baılanysty attestattaýdan ótken joq.
Attestattaýǵa jatatyn qyzmetkerler jergilikti jerlerde Qazaqstan Respýblıkasynyń zańnamasyn bilý deńgeıin, oılaý qabilettigin anyqtaýǵa baǵyttalǵan testileýdi jáne áskerı daıyndyq normatıvterin tapsyryp, psıholog mamandarymen suhbattasty. Attestattaýdyń barlyq kezeńi beıne- baqylaýmen qamtamasyz etildi.
Qarjy polısııasy akademııasy men aýmaqtyq departamentter bastyqtarynyń tóraǵalyq etýimen aýmaqtyq attestattaý komıssııalarymen ótkizilgen suhbattasý qorytyndysy boıynsha kelesideı nátıjeler alyndy: 200 qyzmetker óz qyzmetterine sáıkes keledi jáne kadrlyq rezervke engizý nemese joǵary laýazymdarǵa taǵaıyndalýǵa usynylady; 1725 qyzmetker laýazymdaryna sáıkes keledi dep tanyldy; 179 qyzmetker laýazymdaryna sáıkes kelmeıdi jáne tómen laýazymdarǵa taǵaıyndalýǵa usynyldy; 124 qyzmetker laýazymdaryna sáıkes emes jáne basqa qyzmetterge aýysý usynyldy; 136 qyzmetker laýazymdaryna sáıkes kelmeıdi jáne qarjy polısııasy organdarynan jumystan shyǵarýǵa usynyldy.
Suhbattasýdan ótý barysynda testileý men áskerı daıyndyq nátıjeleri ǵana emes, oǵan qosa qyzmetkerlerdiń jedel jumys nátıjeleri de eskerildi.
Sonymen, aýmaqtyq komıssııalarda attestattaýdan ótken 2364 qyzmetkerdiń 439-y nemese 18,6 paıyzy, ıaǵnı árbir besinshisi attestattaýdan óte almady.
Basqalarǵa qaraǵanda Almaty, jáne Astana qalalarynyń jáne Qaraǵandy, Ońtústik Qazaqstan oblystary boıynsha qarjy polısııasy departamentterinde attestattaýdan óte almaǵan qyzmetkerler kóp boldy.
Attestattaý nátıjesinde Qarjy polısııasy akademııasy men aýmaqtyq departamentterdiń 136 qyzmetkeri jumystan shyǵaryldy. Osylaısha qarjy polısııasynyń aýmaqtyq departamentteriniń qatardaǵy quramy attestattaýdan buryn jáne onyń nátıjesinde 6,4 paıyzǵa jańartyldy, dep habarlady baspasóz qyzmeti.
Talapqa talǵam tarazy
Memleket basshysy 2012 jyldyń 8 sáýirinde «Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Jarlyqqa qol qoıdy. Elimizdiń tarıhynda alǵash ret quqyq qorǵaý júıesiniń jańa kadrlyq áleýetin qalyptastyrý jóninen keń aýqymdy is-sharalar bastaý aldy.
Qarjy mınıstrligi KBK Qyzylorda oblysy boıynsha kedendik baqylaý departamentimen keden qyzmetkerlerin kezekten tys attestattaýdan ótkizý boıynsha sharalar, sonyń birinde óńirlik attestattaý komıssııasynyń (О́AK) jumysy uıymdastyryldy. Komıssııa quramyna KBD basshylyǵy, keden organynyń ardageri, «Nur Otan» HDP Qyzylorda oblystyq fılıaly, «Atameken» UEP, sondaı-aq baspasóz ókilderi kirdi.
Departament boıynsha attestattaýǵa barlyǵy 23 qyzmetker qatysty. Onyń ishinde 2 qyzmetker atqaryp otyrǵan laýazymyna sáıkes bolmaı, basqa qyzmetke (laýazymǵa) aýystyrylýǵa usynylsa, 1 qyzmetker jumystan bosatylýǵa usynyldy. Qalǵan 20 qyzmetker atqaryp otyrǵan laýazymyna sáıkes keledi dep tanyldy, onyń ishinde 2 qyzmetker joǵary laýazymǵa usynyldy.
Jalpy Prezıdent Ákimshiligi janyndaǵy Joǵarǵy attestattaý komıssııasynan (JAK), QM Kedendik baqylaý komıteti janynan qurylǵan Ortalyq attestattaý komıssııasy (OAK) jáne Qyzylorda oblysy boıynsha KBD janynan qurylǵan óńirlik attestattaý komıssııasynda (О́AK) departament boıynsha barlyǵy 31 qyzmetker attestattaldy. Nátıjesi boıynsha 2 qyzmetker atqaryp otyrǵan laýazymyna sáıkes kelmedi 1 qyzmetker laýazymynan tómendetilýge usynyldy. 2 qyzmetker jumystan bosatylýǵa usynyldy. Qalǵan 26 kedenshi atqaryp otyrǵan laýazymdaryna sáıkes keledi dep tanylyp, onyń ishinde 2 qyzmetker kadr rezervine qoıyldy, dep habarlady Qyzylorda oblysy boıynsha KBD.
1276 adam qyzmetten ketti
Ishki ister organdarynyń qyzmetkerlerin kezekten tys attestattaýdyń 3 – kezeńi jalǵasýda. 77 óńirlik attestattaý komıssııasynan aımaqtyq polısııa jáne qylmystyq atqarý júıesiniń qyzmetkerleri attestattaýdan ótedi.
Nysana kózdeý, deneshynyqtyrý daıyndyǵy, zańnamany bilý boıynsha kompıýterlik testileý ótkizýge baqylaý jasaý úshin IIM apparatynyń kadr jumysy jáne ózindik qaýipsizdik qyzmetkerleri aýmaqtyq bólinisterge issaparlarǵa jiberildi. Qabyldanatyn sheshimder shynaıy bolý úshin óńirlik komıssııa músheleriniń qataryna IIM apparatynyń qyzmet basshylary men olardyń orynbasarlary engizildi.
Búgingi kúni óńirlik attestattaý komıssııasy 22 myńnan astam qyzmetkerdi attestattady, 19211-i laýazymdaryna laıyqty ekendikterin kórsetti. 846-i qyzmetinen tómendetilse, 1091-i basqa qyzmetke aýystyryldy, 1057 qyzmetker organnan alastatyldy.
О́ńirlik attestattaý komıssııasy Qaraǵandy akademııasynda (203 adam), QAJK akademııasynda (139 adam), Pavlodar zań kolledjinde (88 adam) jáne Semeı qalasyndaǵy IIM oqý ortalyǵynda (58 adam) óz jumysyn aıaqtady. Jaqyn aralyqta Shymkent, Aqtóbe jáne Almaty qalalaryndaǵy oqý oryndarynda attestattaýdy ótkizý josparlanǵan.
Ortalyq attestattaý komıssııasy vedomstvonyń ortalyq apparat, oblystardyń jáne kóliktegi IID qyzmet basshylaryn, qalalyq, aýdandyq organ basshylary, qylmystyq-atqarý júıesi mekemeleriniń basshylary, oqý oryndarynyń jetekshileri, ózindik qaýipsizdik jáne esirtki bıznesine qarsy kúres bólinisteriniń, áskerı – tergeý bólinisteriniń jeke quramy, ıaǵnı Ishki ister mınıstrliginiń nomenklatýrasy boıynsha 3096 qyzmetker kezekten tys attestattaýdan ótti. Attestattaý nátıjesi boıynsha 73-i joǵary turǵan laýazymǵa usynyldy, 2400 laýazymdaryna laıyqty ekendikterin tanytty, 283 qyzmetkerdiń qyzmeti tómendetildi, 132 qyzmetker basqa qyzmetke aýystyryldy, 208-i IIO-nan qyzmetten shyǵaryldy.
Qazirgi ýaqytta kezekten tys attestattaýdyń nátıjesi boıynsha 25 457 qyzmetkerdiń 1140-nyń qyzmeti tómendetildi, 1227-si basqa qyzmetke aýystyryldy, al 1276-sy IIO-nan qyzmetten shyǵaryldy.
Endi óńirlik attestattaý komıssııasynan 49 myńǵa jýyq qyzmetkerdi attestattaýdan ótkizý qaldy, dep habarlady IIM baspasóz qyzmeti.
Sýretti túsirgen Erlan OMAROV.
