Meıirim
Juma, 23 qarasha 2012 7:03
Eki balany qamqorlyqtaryna alǵan otbasy ıelerine búkil aýyl rıza
Arýjan men Álıhannyń bal-bul janǵan júzderin kórgen saıyn Halyq jazýshysy Sherhan Murtazanyń: «Tirshilikti tiriltip turǵan meıirimdilik» degen sózderi oıyma oralady. Kókten tógilgen sáýlege japyraǵyn jaıyp, aınalasyna hosh ıisin shashatyn gúl ispettes mańaıyna jylylyq uıalatatyny bar eki jasóspirimniń. Bul – búgingi kórinis. Keshe…
Juma, 23 qarasha 2012 7:03
Eki balany qamqorlyqtaryna alǵan otbasy ıelerine búkil aýyl rıza
Arýjan men Álıhannyń bal-bul janǵan júzderin kórgen saıyn Halyq jazýshysy Sherhan Murtazanyń: «Tirshilikti tiriltip turǵan meıirimdilik» degen sózderi oıyma oralady. Kókten tógilgen sáýlege japyraǵyn jaıyp, aınalasyna hosh ıisin shashatyn gúl ispettes mańaıyna jylylyq uıalatatyny bar eki jasóspirimniń. Bul – búgingi kórinis. Keshe…
…О́mir soqqysy jas júrekterdi erte jaralady. Olar asqar taýdaı-ákesi men qaınar bulaqtaı-sheshesinen erte aıyryldy. Taǵdyrdyń qatal synyn birge kóterisken et baýyr jaqyndary –Tóken Qasabekov pen Álııa Maltabarova osyndaı qasiretti kúnderi olardy bir sát te nazardan tys qaldyrǵan joq. Qoldarynan kelgen kómekterin aıamady. Ekeýin de qamqorlyqtaryna alyp, ákeleriniń ornyna áke, shesheleriniń ornyna sheshe bolýǵa tyrysyp baqty. Týǵan balalarynan bir de kem kórmeı, qoldarynan kelgenshe shapaǵattaryn tıgizýge tyrysty.
Osyndaı shynaıy janashyrlyqtyń arqasynda Arýjan men Álıhan bastaryna túsken, taǵdyr salǵan aýyrtpalyqty qaıyspaı kóterip, qatar qurbylarynan kem bolmaı, tal shybyqtaı jaıqalyp ósip keledi. Ekeýi de jaqsy oqıdy. Arýjan tek synybynyń ǵana emes, búkil mektebiniń maqtanyshy. Ol bıyl oqý ozaty retinde jalpyǵa birdeı mindetti bilim berý qory esebinen Tekeli qalasyndaǵy «Edelveıs» sporttyq-saýyqtyrý lagerinde demaldy. Sonan keıin de qamqorshylary Álııa men Tóken óz qarajattarynan 70 myń teńge tólep, Alakólge aparyp, tynyqtyrdy. Álıhan bıyl memlekettik grantty jeńip alyp, Almaty energetıka jáne baılanys ınstıtýtyna oqýǵa tústi.
Ekeýiniń de Qasabekovter úıinde ózderine bólingen arnaıy bólmeleri bar. Ekeýine de bir-bir kompıýter satyp alyp bergen.
Úılerinen kóterińki kóńil kúımen shyǵyp bara jatqanyn kórgen kórshileri olarǵa qashan da súısine qaraıdy. О́z balalarynan kem kórmeı tárbıelep, ósirip jatqan Tóken men Álııaǵa da olar sheksiz rıza. Osylaı Arýjan men Álıhanǵa kórsetip otyrǵan qaıyrymdylyqtary búkil aýylǵa úlgi-ónege bolýda.
Olar qos shynarǵa meıirimderimen ómirge degen qushtarlyq, qurby-qurdas, qorshaǵan ortasyna degen sheksiz mahabbat syılady. Baýyrmaldylyǵy bir bólek. Kishipeıildiligi men kópshildigi Tóken men Álııany aýyl aımaqtary arasynda, tipti, súıkimdi etip kórsetýde. Al, Arýjan men Álıhanǵa jasap otyrǵan jaqsylyqtary arnaıy sóz etýge turarlyqtaı… Olar úshin ómir de osylaı jas óskinderge jaqsylyq jasaýmen mándi de mańyzdy tárizdi…
Sarqyt SAILAÝBAEVA,
ustaz.
Almaty oblysy,
Balqash aýdany,
Baqanas aýyly.
