Baptary jaqsy-aý
Beısenbi, 28 maýsym 2012 7:11
DÚBIR
Olımpıadaǵa 29 kún qaldy
BAPTARY JAQSY-AÝ
Al baqtary qalaı bolar eken?
Tórt jylda bir aınalyp keletin Jazǵy Olımpııa oıyndarynyń bastalýyna da kóp ýaqyt qalǵan joq. Qazaqtar: «Toıdyń bolǵanynan boladysy qyzyq» deıdi. Sirá da taýyp aıtqan. Qazir dúnıejúzi halqy Londonǵa telmire kóz tigip, tek Olımpıada tynysymen demalyp otyr. О́ıtkeni, Olımpıada – júzden júırik, myńnan tulpar shyǵatyn alaman doda. On ret álem chempıony bolǵansha, bir ret Olımpıada chempıony bolý – ár sportshynyń armany.
Beısenbi, 28 maýsym 2012 7:11
DÚBIR
Olımpıadaǵa 29 kún qaldy
BAPTARY JAQSY-AÝ
Al baqtary qalaı bolar eken?
Tórt jylda bir aınalyp keletin Jazǵy Olımpııa oıyndarynyń bastalýyna da kóp ýaqyt qalǵan joq. Qazaqtar: «Toıdyń bolǵanynan boladysy qyzyq» deıdi. Sirá da taýyp aıtqan. Qazir dúnıejúzi halqy Londonǵa telmire kóz tigip, tek Olımpıada tynysymen demalyp otyr. О́ıtkeni, Olımpıada – júzden júırik, myńnan tulpar shyǵatyn alaman doda. On ret álem chempıony bolǵansha, bir ret Olımpıada chempıony bolý – ár sportshynyń armany.
Qazaqstan quramasy sapynda el namysyn qorǵaıtyn Batys Qazaqstan sportshylary da tastúıin daıyn. Osydan tórt jyl buryn bolǵan Beıjiń Olımpıadasyna Batys Qazaqstan oblysynan tórt-aq sportshy qatysqan bolatyn. Bul joly el namysyn batysqazaqstandyq alty sportshy qorǵamaqshy. Demek, bul – oblys sportynyń alǵa jyljyǵanynyń belgisi.
Ras, oblys sportynyń basshysy Músilim Ońdaǵanov sporttyń qaı túrinen bolmasyn sportshyǵa barlyq jaǵdaıdy jasaýdan jalyqqan emes. Sondyqtan da bizdiń sportshylardyń aldy Amerıkaǵa baryp kúshterin synaýda.
1982-shi jyly Reseıde dúnıege kelgen Qazaqstan Respýblıkasynyń eńbek sińirgen sport sheberi Taımuraz Tıgıev 2006-shy jyldan beri kelisim-shart boıynsha oblysymyzdyń namysyn qorǵaýda. 2008-shi jyly ótken Beıjiń Olımpıadasynyń kúmis júldegeri. Bul jolǵy Olımpıadaǵa joldamany byltyr qyrkúıek aıynda Túrkııanyń Ystambul qalasynda ótken álem chempıonatynda utyp aldy. Osy birinshilikte taǵy bir jerlesimiz, ózi 1983-shi jyly Reseıdiń Daǵystan elinde dúnıege kelse de, 2006-shy jyldan beri oblysymyzdyń namysyn tý qylyp tóbesine kóterip júrgen, Qazaqstan Respýblıkasynyń halyqaralyq dárejedegi sport sheberi Abdýlhakım Shapıev te Olımpıada joldamasyn jeńip aldy. Ekeýi de erkin kúres sheberleri.
Kelisim-shartpen byltyrdan beri oblysymyz atynan synǵa túsip júrgen taǵy bir Danıal Gadjıev degen baýyrymyz bıylǵy jyldyń sáýir aıynda Astanada ótken grek-rım kúresinen lısenzııalyq Azııa chempıonatynda Olımpıada joldamasyn janqaltasyna saldy. 1986-shy jyly dúnıege kelgen Danıal bıyl Túrkııada ótken halyqaralyq týrnırdiń júldegeri, Qazaqstan Respýblıkasynyń halyqaralyq dárejedegi sport sheberi.
Negizi, «Bóten eldiń balasy, qashanǵy júrer deısiń» dep, olarǵa úrke qaraýdyń jóni joq. Bóten bolsa da, birinshiden, oblys sportyna qanshama ataq-abyroı ákeldi. Sosyn, osylarǵa eliktep qansha qazaq balasy sportqa tartyldy deseńshi. Qalaı desek te, oblys sportynyń baǵyna týǵan bular nandaryn adal jep júr.
Olımpıada joldamasyn qanjyǵalaryna baılaǵan qalǵan úsheýi ózimizdiń tól týmalarymyz. 1989-shy jyly Oral qalasynda dúnıege kelgen sport sheberi Georgıı Sheıko sporttyq júristen byltyrǵy el chempıonatynyń kúmis júldegeri, III-shi Jazǵy Spartakıadasynyń qola júldegeri. Bıyl aqpan aıynda Máskeý qalasynda ótken ashyq chempıonatta Olımpıada lısenzııasynyń tolyqqandy ıesi atandy.
1984-shi jyly Oral qalasynda dúnıege kelgen Alekseı Dergýnov baıdarka men kanoe esýden halyqaralyq dárejedegi sport sheberi. Sporttyń osy túrimen 1996-shy jyldan bastap aınalysa bastaǵan Alekseıdiń alǵan asýlary da bir tóbe. 2000-2012-shi jyldarǵy Qazaqstan chempıony jáne júldegeri, 2002-shi jyly jasóspirimder arasyndaǵy Azııa chempıony, 2009-shy jyly Qazaqstannyń absolıýtty chempıony, 2007-2011-shi jyldar QR Halyq spartakıadalarynyń chempıony, 2007-2011-shi jyldarǵy Azııa chempıonatynyń chempıony jáne júldegeri, 2010-shy jyl Qytaıda ótken Azııa oıyndarynyń kúmis júldegeri, 2008-shi jyly Beıjiń Olımpıadasyna qatysýshy. London Olımpıadasyna joldamany Tegeranda ótken Azııa chempıonatynda jeńip aldy.
1989-shy jyly Oral qalasynda dúnıege kelgen Halyqaralyq dárejedegi sport sheberi Anastasııa Bannova byltyr Iran elinde ótken Azııa chempıonatynyń jáne III-shi Jazǵy spartakıadasynyń chempıony. Bıyl maýsym aıynda AQSh-tyń Ogdan qalasynda ótken álem kýbogyna qatysyp, Olımpıadaǵa qatysý quqyǵyna tolyq ıe boldy.
Bóle-jaratyn eshteńesi joq, dúbirli dodaǵa qatysqaly otyrǵan barlyq dúldúlderimiz júldeli oryndarǵa iligedi degen úmittemiz. Onyń ústine Taımuraz ben Alekseı Olımpıada kúlshesiniń dámin tatqandar ekenin eskersek, júldege jarty adym bolsa da jaqyndaı túskendeımiz.
Talǵat BAISARIN,
Qazaqstan Jýrnalıster odaǵynyń múshesi.
Batys Qazaqstan oblysy.
