Kópshilikke taralǵan bir mınýttyq beınejazbadan jalyna qol tımegen asaýdyń tarpyǵan sátin kórgende tóbe shashyń tik turady. О́ıtkeni jylqynyń syryn biletin jigitter aıǵyr aldyńǵy aıaǵymen tarpyp kókjal qasqyrdyń belin syndyra alady degendi aıtady. Al sol tas tuıaq jazataıym batyrdyń súıegine tıse ońdyrmasy anyq edi. Biraq namysty jigit asaýdy kúshpen baǵyndyrdy.
Osy kórinister qolaıymyzǵa jaqqan soń, surastyra kele asaýdy jalań qolmen jónge salyp, yrqyna kóndirgen azamat jas balýan Abylaı Serik ekenin bilip, dereý telefonyn taýyp, habarlastyq.
Baqsaq, Úshqońyrdyń etegindegi jaılaýynda jyl saıyn aǵaıyndary men tilekshilerin jınap erýlik beretin qazaqtyń dańqty uly, Olımpıada chempıony Jaqsylyq Úshkempirovtiń bıylǵy toıynda ulttyq oıyndardyń nebir tóresi oınalypty. Qazaqstannyń Eńbek Eri aýdaryspaq, qazaq kúresi, kókpar syndy ulttyq oıyndardyń jeńimpazdary men júldegerlerine túgeldeı báıge tikken. Al asaý úıretý saıysynda kóptiń ishinen bireý: «Oý, aǵaıyn! Osy taýdyń eteginde sporttyq qarymyn shyńdap jatqan balýandar toıǵa kelip edi, aralarynda asaýǵa quryq salatyn batyrlary ba ma?» dep daýystaǵan sátte, zamandastarynyń arasynan sýyrylyp shyqqan Abylaı qolyna qyl arqandy ile sala, asaý úıirge tura umtylǵan. Biraq taıaǵan sátte bir jylqynyń sál súringenin baıqap qalyp, dereý arqanyn tastaı sala jalyna jarmasqan.
Abylaı Serik Shyǵys Qazaqstan oblysy, Jarma aýdany Qalbataý aýylynda týyp-ósken. Jasy jıyrma beste. Grek-rım kúresine Aqtóbe oblysynyń atynan qatysady jáne Qazaqstan birinshiliginiń júldegeri atanǵan. Bapkerleri Boranbek Qońyratov pen Álim Qoılybaev qııadan qyran alatyndaı, qarsylasyn alyp uratyndaı júregi men bilegi bar jigitti jazbaı tanyp, úlken dodalarǵa qosyp keledi.
Al Jaqsylyq Úshkempirovtiń toıyna qatysqan belgili boksshy Qanat Islamǵa ere barǵan amerıkalyq promoýterler, ıaǵnı talaıdy kórgen Amerıkanyń ulttyq sımvolyna aınalǵan qalpaqty «kovboılarynyń» urpaqtary da qazaqtyń erjúrek jigitteriniń eptiligi men qaısarlyǵyn kórgende bastaryn shaıqap, kózderin jumypty desedi.
